ආහාරයක් කියන්නේ රසයක් පමණක් නොවෙයි. ඒ තුළ මතකයන්, සංස්කෘතිය, පවුලක් සහ මිනිසුන් එකට එක් කරන අපූරු හැඟීමක්ද ගැබ්ව තිබෙනවා.
මේ සංකල්පය තම සූපශාස්ත්‍ර ගමනේ කොටසක් කරගනිමින් ශ්‍රී ලාංකික ආහාරවල අනන්‍ය රසය ඔස්ට්‍රේලියාව ඇතුළු ලෝකයට හඳුන්වා දෙන Chef Desha Paranavithana අද වන විට සුවිශේෂී ගමනක නිරත වී සිටිනවා.

ඔහුගේ ආහාරයට ඇති ආදරය ආරම්භ වන්නේ කුඩා කාලයේදී තම මවගෙන් ලැබුණු ආභාසයත් සමඟයි.
සාම්ප්‍රදායික ශ්‍රී ලාංකික ආහාර පිසීමේ සිට ආහාරයක් වටා මිනිසුන් එක්කර ගැනීම දක්වා වූ මවගේ හැකියාවන් ඔහුගේ සිත තුළ ආහාර පිළිබඳ විශේෂ ආදරයක් ඇති කළා.

2000 වසරේදී ඔස්ට්‍රේලියාවෙන් තම culinary journey එක ආරම්භ කළ Chef Desha, restaurant සහ hospitality ක්ෂේත්‍රයේ වසර 15කට වැඩි අත්දැකීම් සමඟ ඉදිරියට පැමිණ තිබෙනවා.
ශ්‍රී ලාංකික ආහාරවල සාම්ප්‍රදායික රසය රැකගනිමින් එය නවීන ආකාරයෙන් ඉදිරිපත් කිරීම ඔහුගේ සූපශාස්ත්‍ර ගමනේ විශේෂත්වයක්.

Melbourne CBD හි Mr Hoppers අවන්හල හිමිකරගෙන පවත්වාගෙන යාම ඔහුගේ වෘත්තීය ජීවිතයේ කැපී පෙනෙන සන්ධිස්ථානයක්.
Authentic Sri Lankan cuisine සඳහා Melbourne හි ජනප්‍රිය ගමනාන්තයක් බවට පත්වූ Mr Hoppers හරහා ශ්‍රී ලාංකික ආහාරවල රසය විවිධ සංස්කෘතීන් නියෝජනය කරන පිරිසක් වෙත ගෙන යාමට ඔහුට හැකි වුණා.

ඔස්ට්‍රේලියාවෙන් ඔබ්බට ගිය ඔහුගේ ව්‍යාපාරික අත්දැකීම් අතර Dubai හි restaurant එකක් හිමිකරගෙන පවත්වාගෙන යාමද විශේෂයි.
විවිධ රටවල hospitality ක්ෂේත්‍රය සමඟ සම්බන්ධ වීම හරහා ලැබුණු අත්දැකීම් ඔහුගේ වෘත්තීය දැක්ම තවදුරටත් පුළුල් කළා.

මේ වන විට Desha Catering හි Founder සහ Executive Chef ලෙස කටයුතු කරන Chef Desha, weddings, corporate events, community functions සහ private celebrations සඳහා catering සේවා ලබාදෙනවා.
රසවත් ආහාරයකින් ඔබ්බට ගොස්, එක් එක් අවස්ථාවට ගැළපෙන මතකයේ රැඳෙන dining experience එකක් නිර්මාණය කිරීම ඔහුගේ අරමුණයි.

Chef Deshaගේ ගමන kitchen එකට පමණක් සීමා වී නැහැ. Travel With Chef YouTube නාලිකාව හරහා ආහාර, සංචාර සහ ලොව විවිධ සංස්කෘතීන් පිළිබඳ අත්දැකීම් ප්‍රේක්ෂකයන් සමඟ බෙදාගනිමින් ඔහු තවත් විශාල ප්‍රේක්ෂක පිරිසක් සමඟ සම්බන්ධ වෙමින් සිටිනවා.

ආහාරය සංස්කෘතීන් අතර මිනිසුන් සම්බන්ධ කරන විශ්ව භාෂාවක් බව විශ්වාස කරන Chef Deshaගේ අරමුණ ශ්‍රී ලාංකික ආහාර සම්ප්‍රදායන් ආරක්ෂා කරමින් ඒවා ලෝකය පුරා ප්‍රචලිත කිරීමයි. ඒ සමඟම තම දැනුම සහ අත්දැකීම් නව පරපුරේ සූපවේදීන් සමඟ බෙදාගනිමින්, ශ්‍රී ලංකාවේ රසය තවත් දුරකට රැගෙන යාමට ඔහු බලාපොරොත්තු වෙනවා.