වික්ටෝරියාවේ Tyers ප්‍රදේශයේ එකම පවුලේ තිදෙනෙකුට පොරවකින් පහරදී බරපතළ තුවාල සිදුකළ බවට චෝදනා ලැබූ පුද්ගලයෙකු අත්අඩංගුවට ගෙන තිබෙනවා.

සැකකරු 48 හැවිරිදි Peter O’Ryan නමැත්තෙකු බව පොලීසිය සඳහන් කළා.

ඔහු සිය 76 හැවිරිදි පියාට, 74 හැවිරිදි මවට සහ 47 හැවිරිදි සහෝදරයාට පහරදී පලාගිය බවට චෝදනා එල්ලවී තිබෙනවා.

පසුගිය සෙනසුරාදා පස්වරුවේ සිදුවූ බව කියන මෙම ප්‍රහාරයෙන් තිදෙනාම ජීවිතයට තර්ජනයක් විය හැකි බරපතළ තුවාල ලබා රෝහල්ගත කර තිබුණා.

සහෝදරයා සහ පියා හදිසි ශල්‍යකර්ම සඳහා ගුවන් මගින් Melbourneහි The Alfred රෝහලට රැගෙන ගොස් තිබෙනවා.

දින තුනක් පුරා සිදුකළ පුළුල් සෝදිසි මෙහෙයුමකින් පසු සැකකරු Tyers–Walhalla මාර්ගය අසලදී අත්අඩංගුවට ගත් බව පොලීසිය ප්‍රකාශ කළා.

හිතාමතාම බරපතළ තුවාල සිදුකිරීමේ චෝදනා තුනක් ඔහුට ගොනුකර තිබෙනවා.

සැකකරු අධිකරණයට ඉදිරිපත් කළ අවස්ථාවේ ඇප ඉල්ලීමක් සිදුකර නොමැති අතර ඔහු රක්ෂිත බන්ධනාගාරගත කර තිබෙනවා.

නඩුව ඔක්තෝබර් 1 වැනිදා නැවත කැඳවීමට නියමිත අතර චෝදනා සම්බන්ධයෙන් අධිකරණය මෙතෙක් අවසන් තීන්දුවක් ලබාදී නැහැ.

#Victoria #Tyers #VictoriaPolice #CrimeNews #MelbourneNews #AustralianNews #AusLankaTV