ඉන්දුනීසියාවේ Mount Anak Krakatau ගිනිකන්දේ සිදුවූ පිපිරීම් හේතුවෙන් නිකුත් වූ ගිනිකඳු අළු නිසා ගුවන් ගමන් රැසකට දැඩි බලපෑම් එල්ල වී තිබෙනවා.

මෙම තත්ත්වය හේතුවෙන් ඔස්ට්‍රේලියාවේ Qantas ගුවන් සේවය ජකර්තා වෙත සහ ජකර්තා සිට ක්‍රියාත්මක සියලුම ගුවන් ගමන් තාවකාලිකව අත්හිටුවා වාර්තා වන්නේ.

සිඩ්නි සහ මෙල්බන් සිට ජකර්තා දක්වා ක්‍රියාත්මක වන Qantas ගුවන් ගමන් ද මෙම බලපෑමට ලක්ව ඇති අතර, ගුවන් ගමන් යළි ආරම්භ කරන්නේ ආරක්ෂිත තත්ත්වයක් ඇති වූ පසුව බව ගුවන් සේවය පවසනවා.

ගිනිකඳු අළු වායුගෝලයට පැතිරීම හේතුවෙන් ඉන්දුනීසියාවේ ගුවන් තොටුපළ අටක මෙහෙයුම්වලට බලපෑම් එල්ල වී ඇති අතර, ගුවන් ගමන් 1,500කට වැඩි සංඛ්‍යාවක් ප්‍රමාද වී හෝ අවලංගු වී තිබෙනවා.

මෙම ගුවන් ගමන් අවලංගු කිරීම් හේතුවෙන් මගීන් 170,000කට පමණ බලපෑම් එල්ල වී ඇති බවයි ඉන්දුනීසියානු බලධාරීන් සඳහන් කළේ.

කෙසේ වෙතත් ජකර්තා ගුවන් ගමන්වලට බලපෑම් එල්ල වී තිබුණද, Qantas හි Bali වෙත සහ Bali සිට ක්‍රියාත්මක ගුවන් ගමන් මේ වනවිට සාමාන්‍ය පරිදි සිදුවන බව වාර්තා වනවා.

ඔස්ට්‍රේලියානු රජයේ Smartraveller සේවයද ඉන්දුනීසියාවට යන සංචාරකයින්ට තම ගුවන් ගමන් තත්ත්වය පිළිබඳව නිරන්තරයෙන් පරීක්ෂා කරන ලෙස දැනුම්දී ඇති අතර, ගිනිකඳු අළු හේතුවෙන් ගුවන් තොටුපළ සහ ගුවන් ගමන් තත්ත්වය කෙටි දැනුම්දීමකින් වෙනස් විය හැකි බවට අනතුරු අඟවා තිබෙනවා.