වික්ටෝරියාහි නිවාස කුලියට ගැනීමේදී tenantsලාගේ පෞද්ගලික තොරතුරු සම්බන්ධයෙන් අලුත් අනතුරු ඇඟවීමක් නිකුත් කර තිබෙනවා.

Consumer Policy Research Centre විසින් සිදුකළ නව පර්යේෂණයකින් හෙළි වී ඇත්තේ, rental applications සඳහා භාවිත කරන ඇතැම් RentTech platforms හරහා tenantsලාගෙන් අවශ්‍ය ප්‍රමාණයට වඩා පෞද්ගලික තොරතුරු ඉල්ලා ඇති අවස්ථා පවතින බවයි.

විශේෂයෙන් වික්ටෝරියාහි මාර්තු මාසයේ සිට ක්‍රියාත්මක වූ නව නීති යටතේ rental application සඳහා ඉල්ලා සිටිය හැකි තොරතුරු සීමා කර තිබියදීත්, ඇතැම් digital platforms එම සීමාවෙන් ඔබ්බට තොරතුරු ලබාගැනීමට උත්සාහ කරන බව පර්යේෂණයෙන් පෙන්වා දෙනවා.

මෙවැනි platforms හරහා එකතු කරන පෞද්ගලික තොරතුරු debt collectors සහ financial product providers වැනි තෙවන පාර්ශ්ව වෙත හුවමාරු විය හැකි බවටත් පර්යේෂණයෙන් අවධානය යොමු කර තිබෙනවා.

වික්ටෝරියාහි නව නීති අනුව rental provider හෝ agent කෙනෙකුට standard rental application form එකේ සඳහන් නොවන අමතර තොරතුරු ඉල්ලා සිටීමට නොහැකි අතර, rental application සඳහා tenantsලාගෙන් ගාස්තු අය කිරීමද තහනම් කර තිබෙනවා.

ඒ අනුව ඔස්ට්‍රේලියාවේ rental market එක තුළ නිවාසයක් සොයා ගැනීමේදී තම පෞද්ගලික තොරතුරු කොපමණ ප්‍රමාණයක් ලබාදිය යුතුද යන්න පිළිබඳව tenantsලා වැඩි අවධානයක් යොමු කළ යුතු බවයි පර්යේෂණ කණ්ඩායම පෙන්වා දෙන්නේ.

විශේෂයෙන් rental application සඳහා භාවිත කරන digital platforms වේගයෙන් ව්‍යාප්ත වන පසුබිමක, නිවාසයක් සොයාගැනීමේදී පෞද්ගලිකත්වය සහ දත්ත ආරක්ෂාවද ආරක්ෂා කරගැනීම වැදගත් බවයි මෙම නව පර්යේෂණයෙන් අවධාරණය කරන්නේ.