ඔස්ට්‍රේලියාව කම්පා කළ Gold Coast Sea World හෙලිකොප්ටර් අනතුරෙන් දිවි ගලවාගත් Nicholas Tadros, තම ජීවිතයේ අතිශය සංවේදී සහ අභියෝගාත්මක පියවරක් තබා තිබෙනවා.

වසර හතරකට පෙර සිය මවගේ ජීවිතයත් තම පාදයක් ද අහිමි කළ අහසටම නැවත ගිය Nicholas, Sydney නුවරට ඉහළින් සිය පළමු ගුවන් යානා පැදවීමේ පුහුණුව සාර්ථකව අවසන් කළා.

විනාඩි පහක විනෝද චාරිකාවක් ලෙස ආරම්භ වූ එම හෙලිකොප්ටර් ගමන, ගුවන්ගත වී මිනිත්තුවක් ගතවීමටත් පෙර හෙලිකොප්ටර් දෙකක් එකිනෙක ගැටීමෙන් මහා ඛේදවාචකයක් බවට පත්වුණා.

එවකට වයස අවුරුදු 10ක් වූ Nicholasගේ මව Vanessa ඇතුළු සිව්දෙනෙකු අනතුරෙන් මියගිය අතර, බරපතළ තුවාල ලැබූ Nicholasට සිය පාදයක් අහිමි වී සති ගණනක් කෝමා තත්ත්වයේ ජීවිතය වෙනුවෙන් සටන් කිරීමට සිදුවුණා.

මාස තුනක රෝහල් ජීවිතයක්, සැත්කම් 30ක් සහ වසර ගණනාවක පුනරුත්ථාපන ප්‍රතිකාර පසුකරමින් ඔහු නැවත තම දෙපයින් නැගී සිටීමට අධිෂ්ඨානශීලීව සටන් කළා.

තමන්ට සියල්ල අහිමි කළ අහසට බියෙන් සමුදෙනවා වෙනුවට, එයම සිය අනාගත සිහින කරා ගෙනයන මාවතක් බවට පත්කර ගැනීමට Nicholas සමත්ව තිබෙනවා.

“මගේ ජීවිතය නවත්වන්න මේ අනතුරට ඉඩ දෙන්නේ නැහැ” යනුවෙන් පවසන 14 හැවිරිදි Nicholasගේ ධෛර්යය, ජීවිතයේ දරුණුතම කඩා වැටීමෙන් පසුවත් නැවත නැගී සිටිය හැකි බව ලෝකයට පෙන්වා දෙනවා.

Credit: 7NEWS