මෙල්බන්හි hair salons ඉලක්ක කරගනිමින් පසුගිය මාස තුන පුරා සොරකම් රැසක් සිදුවීමත් සමඟ කුඩා ව්‍යාපාර හිමියන් අතර දැඩි අවධානයක් මතුව තිබෙනවා.

විශේෂයෙන් සැප්තැම්බර් 9 වැනිදා අලුයම පැය භාගයක පමණ කාලයක් තුළ Port Melbourne සහ South Melbourne ප්‍රදේශවල salons දෙකක් කොල්ලකා ඇති බවටයි වාර්තා වන්නේ.

එහිදී මිල අධික hair extensions, wigs, hair products සහ laptops ඇතුළු භාණ්ඩ සොරකම් කර ඇති අතර, එක් salon එකකට සිදුවූ සමස්ත හානිය ඩොලර් 50,000කට වැඩි බව සඳහන්.

එම රාත්‍රියේම තවත් hair extension salon එකක් ද ඉලක්ක කර ඇති අතර, hair products, tools, මුදල් සහ වෙනත් උපකරණ සොරාගෙන තිබෙනවා.

විශේෂඥයන් පවසන්නේ hair extensions වැනි භාණ්ඩ කුඩා ප්‍රමාණයකින් වැඩි වටිනාකමක් ලබාගත හැකි නිසා ඒවා නැවත අලෙවි කිරීම සඳහා සොරුන්ගේ අවධානය යොමුව ඇති බවයි.

මෙවැනි සොරකම් හේතුවෙන් salon හිමියන්ට භාණ්ඩ අහිමිවීම පමණක් නොව, ගනුදෙනුකරුවන්ගේ ඇණවුම් අවලංගු කිරීම සහ ව්‍යාපාර වියදම් ඉහළ යාම වැනි ගැටලු රැසකටද මුහුණදීමට සිදුව තිබෙනවා.

සැප්තැම්බර් 9 වැනිදා සිදුවූ සිදුවීම් සම්බන්ධයෙන් Victoria Police විමර්ශන සිදුකරන අතර, තොරතුරු ඇති පුද්ගලයන්ගෙන් සහය ඉල්ලා තිබෙනවා.