ඔස්ට්‍රේලියානු රජය Working Holiday Maker visa වැඩසටහනේ නීති වෙනස් කිරීම පිළිබඳ සලකා බලන බවට වාර්තා පළවී තිබෙනවා.

වාර්තා අනුව, දැනට මාස 12ක කාලයක් සඳහා ලබාදෙන Working Holiday visa එකේ කාලය මාස 6ක් දක්වා අඩු කිරීම සහ දෙවන හා තුන්වන වසර සඳහා ලබාගත හැකි visa extensions ඉවත් කිරීම පිළිබඳ අවධානය යොමුවී තිබෙනවා.

කෙසේ වෙතත්, මෙම වෙනස්කම් තවමත් නිල වශයෙන් ප්‍රකාශයට පත් කර නැහැ. රජය මේ වනවිට Working Holiday Maker වැඩසටහනේ සැකසුම් සහ සංඛ්‍යා කළමනාකරණය පිළිබඳ පුළුල් සමාලෝචනයක් සිදුකරමින් සිටිනවා.

මෙම යෝජනා ක්‍රියාත්මක වුවහොත්, tourism, hospitality සහ කෘෂිකාර්මික ක්ෂේත්‍රවලට අවශ්‍ය කෙටි කාලීන සේවකයන්ගේ හිඟයක් ඇතිවිය හැකි බවට ව්‍යාපාරික කණ්ඩායම් අනතුරු අඟවනවා.

Australian Tourism Industry Council පවසන්නේ මෙවැනි වෙනස්කම් හේතුවෙන් රැකියා 20,000කට වැඩි ප්‍රමාණයක් සහ වාර්ෂික සංචාරක වියදම් ඩොලර් බිලියන 3කට වැඩි ප්‍රමාණයක් අවදානමට ලක්විය හැකි බවයි.

විශේෂයෙන් ප්‍රාදේශීය ප්‍රදේශවල සංචාරක සහ hospitality ව්‍යාපාර Working Holiday Maker සේවකයන් මත දැඩි ලෙස රඳා පවතින බැවින්, කර්මාන්ත නියෝජිතයන් රජයෙන් ඉල්ලා සිටින්නේ visa ප්‍රතිසංස්කරණ සිදුකිරීමේදී මෙම ක්ෂේත්‍රවල සේවක අවශ්‍යතාවද සැලකිල්ලට ගන්නා ලෙසයි.