සේවක හිඟය හේතුවෙන් ඔස්ට්‍රේලියාවේ ගුවන් ගමන්වලට බලපෑම් එල්ල වෙමින් පවතින බව Senate hearing එකකදී හෙළිවී තිබෙනවා.

Airservices Australia නියෝජ්‍ය ප්‍රධාන විධායක Peter Curran පවසන්නේ, පසුගිය වසර තුළ සේවක හිඟය හේතුවෙන් සාමාන්‍යයෙන් දින තුනකට වරක් ගුවන් ගමනක් අවලංගු කිරීමට සිදුවූ බවයි.

පසුගිය වසර තුළ ඔස්ට්‍රේලියානු ගුවන් තොටුපළවල flight cancellations 2,536ක් වාර්තා වී ඇති අතර, ඉන් 121ක් Airservices Australia වෙත සෘජුව සම්බන්ධ බව සඳහන්.

විශේෂයෙන් Sydney Airport හි ගුවන් ගමන්වලට මෙම ගැටලුව වැඩි බලපෑමක් එල්ල වී තිබෙනවා.

ඊයේද air traffic controllers හි හිඟයක් හේතුවෙන් Sydney Airport වෙත පැමිණෙන ගුවන් ගමන් 14ක් පමණ අවලංගු වී ඇති අතර, තවත් ගුවන් ගමන්වලට පැයකට වැඩි ප්‍රමාදයන් ඇතිවී තිබෙනවා.

Sydney හි දැනට air traffic controllers 49 දෙනෙකු සේවයේ සිටියත්, සාමාන්‍ය මෙහෙයුම් සඳහා 41 දෙනෙකු අවශ්‍ය වන අතර, දිගුකාලීනව සේවයට නොපැමිණෙන සේවකයන් 8 දෙනෙකු සිටින බව Airservices Australia සඳහන් කර තිබෙනවා.

කෙසේ වෙතත්, Airservices Australia අවධාරණය කරන්නේ සේවක හිඟයක් ඇතිවන අවස්ථාවලදී ආරක්ෂාවට හානි නොවන ලෙස ගුවන් ගමන් සංඛ්‍යාව සීමා කරන බවයි.

ඉදිරියේදී තවත් air traffic controllers බඳවාගෙන standby workforce එක ශක්තිමත් කිරීම හරහා මෙම ගැටලුව අවම කිරීමට කටයුතු කරන බවද එම ආයතනය පවසනවා.