Skilled migrants සම්බන්ධයෙන් Australia තුළ පවතින දේශපාලන විවාදය තවත් උණුසුම් කරමින් South Australia Premier Peter Malinauskas නවතම ආර්ථික දත්තයක් ඉදිරිපත් කර තිබෙනවා.

ඔහු සඳහන් කරන්නේ 2021දී Treasury කළ ඇස්තමේන්තුවකට අනුව සාමාන්‍ය Australia-born resident කෙනෙකුගේ ජීවිත කාලය තුළ රජයේ අයවැයට ඩොලර් 85,000ක පමණ net cost එකක් ඇති බවයි.

ඊට සාපේක්ෂව සාමාන්‍ය skilled migrant කෙනෙකු ඔහුගේ හෝ ඇයගේ ජීවිත කාලය පුරා ඔස්ට්‍රේලියා රජයේ public budgets සඳහා ඩොලර් 198,000ක net benefit එකක් ලබාදෙන බව Malinauskas පෙන්වා දී තිබෙනවා.

ඔහුට අනුව skilled migrants බොහෝවිට වැඩ කළ හැකි වයසේදී ඔස්ට්‍රේලියාව වෙත පැමිණීම සහ ඉක්මනින් රැකියා වෙළඳපොළට එක්වීම නිසා බදු ආදායමට සැලකිය යුතු දායකත්වයක් ලබාදෙනවා.

Malinauskas මේ දත්ත ඉදිරිපත් කර ඇත්තේ migration සංඛ්‍යාව අඩු කිරීමේ දේශපාලන ඉල්ලීම්වලට විරෝධය පළ කරමින්. ඔහු අනතුරු අඟවා ඇත්තේ දේශපාලන පක්ෂ migration අඩු කිරීම සඳහා තරගයකට යොමුවීම ඔස්ට්‍රේලියා ආර්ථිකයට අහිතකර විය හැකි බවයි.

කෙසේ වෙතත් One Nation නායක Pauline Hanson මෙම ප්‍රකාශය දැඩි ලෙස විවේචනය කරමින් migration වැඩිවීම housing, healthcare සහ වැටුප් සම්බන්ධ ගැටලු තවත් උග්‍ර කරන බවට චෝදනා කර තිබෙනවා.

මේ අතර Federal Government එක migration policy එක නැවත සකස් කිරීම සම්බන්ධයෙන් සාකච්ඡා කරමින් සිටින අතර, skilled migration ඇතුළු සමස්ත migration වැඩසටහනේ ඉදිරි වෙනස්කම් පිළිබඳ අවධානය යොමුව තිබෙනවා.

ඒ අනුව skilled migrants Australia ආර්ථිකයට ඇති සැබෑ දායකත්වය සහ migration සංඛ්‍යාව සීමා කළ යුතුද යන්න ඉදිරියේදීත් ප්‍රධාන දේශපාලන විවාදයක් වනු ඇති බව පෙනී යනවා.