ඔස්ට්‍රේලියානුවන්ට තම Superannuation දායකත්වයෙන් කොටසක් කලින් ලබාගැනීමට ඉදිරිපත් කළ යෝජනාව සම්බන්ධයෙන් බානබි ජොයිස් දැඩි ප්‍රශ්න කිරීම්වලට ලක්ව තිබෙනවා.

කුලී හෝ නිවාස ණය ගෙවන සේවකයන්ට සේවායෝජකයා ගෙවන Super මුදලින් 3%ක් වසර තුනක් දක්වා වැටුප සමඟ ලබාගැනීමට One Nation පක්ෂය යෝජනා කර තිබෙනවා.

එම යෝජනාවෙන් උද්ධමනයට සහ ජනතාවගේ විශ්‍රාම ඉතිරිකිරීම්වලට ඇතිවන බලපෑම ගණනය කර තිබේදැයි මාධ්‍යවේදීන් ප්‍රශ්න කර තිබුණා.

එහිදී Joyce, “මම ජේසුස් ක්‍රිස්තුස් නොවන බවත් සෑම ප්‍රශ්නයකටම පිළිතුරු ලබාදීමට තමන්ට නොහැකි යැයි ප්‍රතිචාර දක්වා තිබෙනවා.

යෝජනාවේ ආර්ථික බලපෑම සම්බන්ධයෙන් නිල ගණනය කිරීමක් සිදුකර නොමැති බවද ඔහු පිළිගෙන තිබෙනවා.

මෙම ක්‍රමය ක්‍රියාත්මක වුවහොත් සාමාන්‍ය සේවකයෙකුගේ විශ්‍රාම ඉතිරිකිරීම් ඩොලර් 25,000කින් පමණ අඩුවිය හැකි බව Super Members Council ඇස්තමේන්තු කර තිබෙනවා.