ඔස්ට්‍රේලියානු ස්වදේශ කටයුතු දෙපාර්තමේන්තුව ප්‍රධාන වීසා කාණ්ඩ සඳහා දැනට ගතවන සැකසුම් කාලයන් අනාවරණය කර තිබෙනවා.

එහි වැඩිම ප්‍රමාදය වාර්තා වන්නේ Partner තාවකාලික සහ provisional වීසා සඳහා වන අතර, තීරණයක් ලැබීමට මධ්‍යස්ථ වශයෙන් මාස 23ක් ගතවනවා.

ස්ථිර පුහුණු ශ්‍රමික වීසා සඳහා මාස 8ක් දක්වාත්, තාවකාලික පුහුණු ශ්‍රමික වීසා සඳහා දින 98ක් දක්වාත් බලා සිටීමට සිදුවිය හැකියි.

ශිෂ්‍ය වීසා සඳහා දින 21ක මධ්‍යස්ථ කාලයක් දක්වා තිබුණද, නව ප්‍රමුඛතා නියෝග සහ අයදුම්පත් ප්‍රමාණය අනුව ඇතැම් අයගේ තීරණ ප්‍රමාද විය හැකියි.

Visitor වීසා කාණ්ඩයේ ඒකාබද්ධ මධ්‍යස්ථ කාලය දිනකට අඩු ලෙස දැක්වුවද, Subclass 600 අයදුම්පත් සඳහා ඊට වඩා සැලකිය යුතු කාලයක් ගතවිය හැකි බව රජය අනතුරු අඟවනවා.

Working Holiday Maker වීසා සඳහා දින 5ක් ලෙස සඳහන් වුවත්, විදේශයන්හි සිට ඉදිරිපත් කරන ඇතැම් අයදුම්පත් සඳහා මාස කිහිපයක් ගතවිය හැකියි.

අයදුම්පතේ අඩු ලේඛන, සෞඛ්‍ය සහ චරිත පරීක්ෂණ, රජයේ වීසා ප්‍රමුඛතා සහ වාර්ෂික සංක්‍රමණ වැඩසටහනේ ස්ථාන සීමාව මෙම ප්‍රමාදයන්ට බලපාන ප්‍රධාන හේතු වනවා.

Source – Home Affairs