Victoria ප්‍රාන්තයේ ස්ත්‍රී දූෂණයට අදාළ උපරිම දඬුවම ජීවිතාන්ත සිරදඬුවමක් දක්වා වැඩි කිරීමට Labor රජය යෝජනා කර තිබෙනවා.

දැනට මෙම වරදට නියම කළ හැකි උපරිම දඬුවම වසර 25ක සිරදඬුවමක් වනවා.

නොවැම්බර් මාසයේ පැවැත්වෙන ප්‍රාන්ත මැතිවරණයෙන් නැවත බලයට පත්වුවහොත් මෙම වෙනස ක්‍රියාත්මක කරන බවයි Premier Ben Carroll ප්‍රකාශ කළේ.

අනෙකුත් බරපතළ ලිංගික අපරාධ සඳහා පවතින උපරිම සිරදඬුවම්ද වසර පහකින් වැඩි කිරීමට සැලසුම් කර තිබෙනවා.

සහකරු හෝ හිටපු සහකරු ඝාතනය කිරීමේ සාමාන්‍ය සිරදඬුවම වසර 25 සිට 30 දක්වා ඉහළ දැමීමටද යෝජනා වී තිබෙනවා.

පවුල් ප්‍රචණ්ඩත්වය හේතුවෙන් පුද්ගලයෙකු සියදිවි නසාගැනීමට පෙළඹවීම සම්බන්ධයෙන් නව අපරාධ වරදක් හඳුන්වා දීමටද රජය සූදානම් වනවා.

කෙසේ වෙතත්, මේවා තවමත් ක්‍රියාත්මක නීති නොව Labor පක්ෂය ඉදිරිපත් කළ මැතිවරණ පොරොන්දු බවයි සඳහන් වන්නේ.