කතා කිරීමට නොහැකි සිය 7 හැවිරිදි පුතාගේ ඇඳුමේ රහසිගත recording device එකක් සඟවා තැබූ වික්ටෝරියාවේ මවකට පොලිසිය විසින් චෝදනා එල්ල කර තිබෙනවා.

Gippsland ප්‍රදේශයේ පදිංචි Skye Cooper නැමති මව පවසන්නේ පාසල් යාම දැඩි ලෙස ප්‍රතික්ෂේප කිරීම සහ ඔහුගේ සිරුරේ තැලීම් වැනි ලකුණු දැකීමෙන් පසු ඔහුගේ ආරක්ෂාව ගැන සැකයක් ඇති වූ බවයි.

කතා කිරීමට නොහැකි සිය පුතාට සිදුවන්නේ කුමක්දැයි දැනගැනීම සඳහා disability advocateවරියකගේ උපදෙස් මත ඇය ඔහුගේ ඇඳුමේ recording device එකක් මසා සඟවා තිබුණා.

පසුව එම පටිගත කිරීම්වල පාසල් සහායක සේවිකාවක් දරුවාට “you hurt me, I’ll hurt you” යනුවෙන් පවසන හඬක් ඇසුණු බව මව පවසනවා.

ඒ අනුව ඇය සිය පුතා පාසලෙන් ඉවත් කරගෙන ඇති අතර, අදාළ සේවිකාව පසුව ලිඛිතව සමාව ඉල්ලා තමන් භාවිත කළ වචන සුදුසු නොවන බව පිළිගෙන තිබෙනවා.

කෙසේ වෙතත් රහසිගතව listening device එකක් භාවිත කළ බවට මවට Victoriaහි Surveillance Devices නීතිය යටතේ චෝදනා එල්ල වී තිබෙනවා.

මේ අතර මෙම සිද්ධිය සම්බන්ධයෙන් Disability Workers Commission පරීක්ෂණයක් සිදුකරන අතර, දරුවන්ට අයුතු ලෙස සැලකීමක් සිදුවන බවට සැකයක් ඇති අවස්ථාවල දෙමාපියන්ට රහසිගත පටිගත කිරීම් කිරීමට නීතිමය ආරක්ෂාව ලබාදිය යුතු බව ඉල්ලා මව විසින් පෙත්සමක් ද ආරම්භ කර තිබෙනවා.