AI අයුතු භාවිතයෙන් රටවැසියන් ආරක්ෂා කර ගැනීම සඳහා ලොව ප්‍රථම වරට Smart Glasses භාවිතය රටපුරා සීමා කිරීමට හෝ තහනම් කිරීමට ෆෙඩරල් රජය අවධානය යොමු කර තිබෙනවා.

Public Service අමාත්‍ය Katy Gallagher විසින් දේශීය පළාත් පාලන ආයතන විසින් පොදු ස්ථානවල තුළ Smart Glasses තහනම් කළ යුතුද යන්න පිළිබඳ උපදෙස් ඉල්ලා ඇති බවයි වාර්තා වන්නේ.

මෙම උපකරණ මගින් අවට සිටින පුද්ගලයන් නොදැනුවත්ව වීඩියෝ හෝ තොරතුරු ග්‍රහණය කළ හැකි වීම privacy සහ security අවදානමක් ලෙස රජය පෙන්වා දෙනවා.

බ්‍රිස්බන්, මෙල්බන්හි Yarra සහ Canterbury-Bankstown ඇතුළු ප්‍රාදේශීය සභා කිහිපයක් දැනටමත් විවේකාගාර, ළමා ආරක්ෂණ මධ්‍යස්ථාන සහ ක්‍රීඩා පිටි තුළ අනුමැතියකින් තොරව රූගත කිරීම් සිදුකිරීම වැළැක්වීම සඳහා Smart Glasses තහනම් කිරීමට පියවර ගෙන තිබෙනවා.

මේ අතර භාණ්ඩාගාරික Jim Chalmers ද පවසා ඇත්තේ Commonwealth workplacesවලින් ආරම්භ වන මෙම සාකච්ඡාව ඉදිරියේදී තවත් පුළුල් විය හැකි බවයි.

කෙසේවෙතත්, රටපුරා Smart Glasses විකිණීම හෝ භාවිතය සම්පූර්ණයෙන් තහනම් කිරීමට රජය මේ දක්වා තීරණය කර නැහැ.