ඔස්ට්‍රේලියාවේ පෙට්‍රල්, ඩීසල් සහ Hybrid වාහන සඳහා නව බද්දක් හඳුන්වා දිය යුතු බව Australian Electric Vehicle Association යෝජනා කර තිබෙනවා.

මෙම නව Road User Charge එක වාහනයේ බර සහ ධාවනය කරන දුර අනුව ගණනය කිරීමටයි යෝජනා වී ඇත්තේ.

ඒ අනුව පෙට්‍රල් සහ ඩීසල් වාහන හිමියන්ට ඉන්ධන බද්දට අමතරව මෙම ගාස්තුව ද ගෙවීමට සිදුවිය හැකියි.

වසරකට කිලෝමීටර් 13,000ක් ධාවනය කරන ටොන් 2.2ක වාහනයකට ඩොලර් 858ක් පමණ ගෙවීමට සිදුවිය හැකි බව ගණන් බලා තිබෙනවා.

එකම බරකින් යුතු වාහන එකම දුරක් ධාවනය කරන්නේ නම් සමාන මාර්ග ගාස්තුවක් ගෙවීම සාධාරණ බව එම සංගමය පවසනවා.

පෙට්‍රල් සහ ඩීසල් වාහන පරිසර දූෂණය ඇති කරන බැවින් දැනට පවතින ඉන්ධන බද්ද ද දිගටම අය කළ යුතු බව ඔවුන්ගේ අදහසයි.

කෙසේවෙතත්, මෙය EV සංගමයක් ඉදිරිපත් කළ යෝජනාවක් පමණක් වන අතර ඔස්ට්‍රේලියානු රජය මෙතෙක් එය නීතියක් ලෙස අනුමත කර නැහැ.