රියදුරෙකු නොමැතිව ධාවනය කිරීමට නිර්මාණය කර ඇති Tesla Cybercab මෝටර් රථය ප්‍රදර්ශන සංචාරයක් සඳහා Australiaට ගෙන ඒමට Tesla සූදානම් වෙමින් සිටිනවා.

මෙම විශේෂ සංචාරය සැප්තැම්බර් 21 වැනිදා Sydney නගරයෙන් ආරම්භ වන අතර, ඉන් අනතුරුව Brisbane, Gold Coast සහ Canberra වෙත ඔක්තෝබර් මාසයේදීත් Melbourne සහ Adelaide වෙත නොවැම්බර් මාසයේදීත් Cybercab රැගෙන යාමට නියමිතයි.

දෙසැම්බර් මාසයේදී Perth වෙත ළඟාවීමට නියමිත මෙම සංචාරය New Zealand හි Auckland දක්වාද 2027 වසරේදී ගමන් කිරීමට සැලසුම් කර තිබෙනවා.

Cybercab හි විශේෂත්වය වන්නේ සාමාන්‍ය මෝටර් රථවල දැකිය හැකි steering wheel එකක් හෝ accelerator සහ brake pedals නොමැති වීමයි.

කෙසේ වෙතත් Australia තුළ පැවැත්වෙන මෙම සංචාරයේදී Cybercab මාර්ගවල ධාවනය කිරීමට හෝ මහජනතාවට එහි ගමන් කිරීමට අවස්ථාවක් ලබා නොදෙන අතර, එය ස්ථාවර ප්‍රදර්ශනයක් ලෙස ජනතාවට දැකබලා ගැනීමට හැකියාව ලැබෙනවා.

ඒ වෙනුවට Tesla විසින් Model 3 සහ Model Y වාහනවල ඇති Full Self-Driving (Supervised) තාක්ෂණය අත්හදා බැලීමට අවස්ථාව ලබාදීමට සැලසුම් කර ඇති බව සඳහන්.

මේ අතර Cybercab Australiaට පැමිණීම සිදුවන්නේ රියදුරෙකු නොමැති වාහන පිළිබඳ තාක්ෂණය සහ ඒවාට අදාළ නීතිමය රාමුව ගැන අවධානය වැඩි වෙමින් පවතින අවස්ථාවකයි.