ඔස්ට්‍රේලියාවේ Electric Vehicle භාවිතය ඉහළ යන අතරතුර EV හිමිකරුවන්ට නිවසේදීම වඩා පහසුවෙන් වාහන ආරෝපණය කරගැනීමට නව තාක්ෂණයක් හඳුන්වා දී තිබෙනවා.

Sydney මූලික කරගත් MSI EVSE විසින් අද ඔස්ට්‍රේලියානු වෙළඳපොළට හඳුන්වා දුන් Eco Series නව wall-mounted EV charger මාලාව, මීට පෙර හඳුන්වා දුන් portable EZgo charger තාක්ෂණය තවත් පියවරක් ඉදිරියට ගෙන යන නිෂ්පාදනයක් ලෙසයි හඳුන්වා දී ඇත්තේ.

නිවසේ භාවිතය සඳහා හඳුන්වා දී ඇති Eco Life සහ Eco Premium Home මාදිලි දෙකෙහි මිල පිළිවෙළින් AUD $999ක් සහ AUD $1,199ක් වන අතර, ඒවා single-phase විදුලි සම්බන්ධතාවයකදී 7kW දක්වාත් three-phase සම්බන්ධතාවයකදී 22kW දක්වාත් ආරෝපණ ධාරිතාවක් ලබාදෙනවා.

විශේෂත්වයක් ලෙස MSI aConnect යෙදුම හරහා ආරෝපණ කාලසටහන් සකස් කිරීමට, ආරෝපණ තත්ත්වය නිරීක්ෂණය කිරීමට සහ විදුලි පරිභෝජනය පිළිබඳ තොරතුරු ලබාගැනීමට පරිශීලකයන්ට හැකියාව ලැබෙනවා.

ඒ වගේම AutoCharge පහසුකම හරහා වාහනය charger එකට සම්බන්ධ කළ පසු අමතරව app එකක් හෝ card එකක් භාවිත නොකර ආරෝපණය ආරම්භ කිරීමටද හැකියාව ලබාදී තිබෙනවා.

විදුලි ගාස්තු අඩු කාලවලදී වාහනය ආරෝපණය කිරීමට කාලසටහන් සකස් කළ හැකි වීමත්, rooftop solar භාවිතා කරන නිවාසවලට දිවා කාලයේ ඇති විදුලි උත්පාදනය සමඟ EV charging සම්බන්ධ කරගැනීමේ හැකියාවත් මෙවැනි smart charging පද්ධතිවල වැදගත් අංගයක් බවට පත්වෙමින් තිබෙනවා.

Eco Series නිෂ්පාදන අද සිට ඔස්ට්‍රේලියාව පුරා ලබාගත හැකි අතර, MSI සඳහන් කරන පරිදි මෙම තාක්ෂණය දැනටමත් Victoria හි Sierra Hawthorn වැනි EV පහසුකම් සහිත නිවාස ව්‍යාපෘතිවලද භාවිතයට එක්කර ඇති බවටයි වාර්තා වන්නේ.