ආසියානු කලාපයේ සංචාරක ඉල්ලුම ඉහළ යාමත් සමඟ Qantas ගුවන් සේවය ජපානය, බාලි, හොංකොං සහ සිංගප්පූරුව ඇතුළු ජනප්‍රිය ගමනාන්ත 10ක් සඳහා දැවැන්ත ගාස්තු අඩු කිරීමක් නිවේදනය කර තිබෙනවා.

මෙම විශේෂ වට්ටම් යටතේ, සිඩ්නි සිට ජපානයේ snow season අත්විඳීමට අපේක්ෂා කරන මගීන් සඳහා සැපයෙන Sapporo ගුවන් ගමන් දෙසැම්බර් 7 වන දින යළි ආරම්භ වීමට නියමිතයි.

එමෙන්ම cherry blossom season සඳහා මාර්තු සහ අප්‍රේල් මාසවලදී ටෝකියෝ වෙත විශේෂ අඩු කළ ගාස්තු යටතේ ගමන් කළ හැකියි.

මෙහිදී සිඩ්නි සිට බාලි වෙත සාමාන්‍යයෙන් ඩොලර් 1,037ක් පමණ වන ගාස්තුව මේ වන විට ඩොලර් 699ක් දක්වා පහත වැටී ඇති අතර, සිඩ්නි, මෙල්බන් සහ බ්‍රිස්බන් සිට සිංගප්පූරුවට සහ අනෙකුත් ගමනාන්ත සඳහා ද විශේෂ වට්ටම් හිමි වනවා.

මෙම සීමිත කාලීන දීමනාව සැප්තැම්බර් 21 වන දින දක්වා ක්‍රියාත්මක වන අතර, 2026 ඔක්තෝබර් සිට 2027 ජුනි දක්වා කාලය තුළ සිදු කරන ගමන් සඳහා එය වලංගුයි.

සියලුම ගුවන් ටිකට්පත් සඳහා checked baggage, in-flight entertainment සහ food and beverages ද ඇතුළත් වීම විශේෂත්වයක්.