මෙල්බන්හි Tarneit, Truganina සහ Wyndham වැනි outer-west ප්‍රදේශවල ජනගහනය වැඩිවන වේගයට ප්‍රවාහන, පාසල් සහ අනෙකුත් පහසුකම් සංවර්ධනය නොවන බව ප්‍රදේශවාසීන් පවසනවා.

Wyndham ජනගහනය 2011දී 162,000ක් පමණ වූ අතර, 2021 වනවිට එය 292,000 දක්වා වැඩිවී තිබෙනවා.

ඉදිරි වසර 20 තුළ එම සංඛ්‍යාව 480,000 දක්වා ඉහළ යනු ඇතැයි Wyndham Council ඇස්තමේන්තු කරනවා.

ප්‍රදේශයේ බොහෝදෙනාට රැකියා සඳහා නගර සීමාවෙන් පිටතට යෑමට සිදුවන අතර, කාර්යබහුල වේලාවල Melbourne CBD වෙත ළඟාවීමට පැය එකහමාරක් පමණ ගතවිය හැකියි.

අඩු බස් සේවා, පිරීගිය දුම්රිය, හදිසි සේවා අවලංගු කිරීම් සහ ප්‍රමාණවත් පාසල් නොමැතිවීම සංක්‍රමණික පවුල් මුහුණදෙන ප්‍රධාන ගැටලු බව සඳහන්.

අලුතින් විවෘත කළ West Tarneit දුම්රිය ස්ථානය සහ නව බස් සේවා යම් සහනයක් වුවත්, ඒවා ප්‍රමාණවත් නොවන බව ජනතාව පවසනවා.

ජනගහනය වැඩිවීමෙන් පසුව පහසුකම් ඉදිකිරීම වෙනුවට, අනාගත අවශ්‍යතා සැලකිල්ලට ගෙන රජය කලින්ම සැලසුම් කර ආයෝජනය කළ යුතු බව ප්‍රදේශවාසීන් සහ විශේෂඥයන් අවධාරණය කරනවා.