ඔස්ට්‍රේලියාවේ Net Overseas Migration සංඛ්‍යාව රජයේ ඉලක්කයට ගෙන ඒම සඳහා Student Visa, Temporary Visa සහ වීසා කාලය ඉක්මවා රටේ රැඳී සිටින පුද්ගලයන් ඉලක්ක කර නව පියවර රැසක් Home Affairs Minister ටෝනි බර්ක් ඊයේ ප්‍රකාශයට පත් කළා.

2026 මාර්තු දක්වා වසරක කාලයේ Net Overseas Migration 292,100ක් ලෙස වාර්තා වී ඇති අතර, එය පෙර වසරේ 309,500ක් ලෙස වාර්තා වුණා.

කෙසේවෙතත්, රජය ඉදිරියේදී එම සංඛ්‍යාව 225,000 දක්වා පහත දැමීම ඉලක්ක කරගෙන සිටිනවා.

රජයට එම ඉලක්කය ලබාගැනීමට නොහැකි විය හැකිදැයි විමසූ අවස්ථාවේ, “එහෙම වෙන්නේ නැහැ” යන අදහසින් ටෝනි බර්ක් දැඩි විශ්වාසයක් පළ කර තිබෙනවා.

නව පියවර යටතේ ජාත්‍යන්තර සිසුන් course එකෙන් course එකට මාරුවෙමින් ඔස්ට්‍රේලියාවේ රැඳී සිටීම දිගු කරන “visa hopping” ක්‍රමයට සීමා පැනවීමටත්, Student Visa හිමියන්ට පවුලේ සාමාජිකයන් ගෙන්වා ගැනීමේ අවස්ථා දැඩි කිරීමටත් සැලසුම් කර තිබෙනවා.

Visitor Visa මගින් පැමිණ රට ඇතුළේ සිට වෙනත් Visa එකකට මාරුවීම පාලනය කිරීම, visa කාලය අවසන් වූ පසුවත් රටේ රැඳී සිටින පුද්ගලයන් ඉලක්ක කිරීම සහ Working Holiday Visa වැඩසටහනේ ඇතැම් කොටස් සඳහා ballot ක්‍රමයක් හඳුන්වාදීමත් මෙම සැලැස්මට ඇතුළත්.

මේ අතර Burke පවසන්නේ සංක්‍රමණය ඉතා දැඩි ලෙස කපා දැමීම ඔස්ට්‍රේලියාවේ සෞඛ්‍ය, ඉදිකිරීම් සහ අනෙකුත් අත්‍යවශ්‍ය සේවාවලට මෙන්ම ආර්ථිකයට ද බලපෑම් කළ හැකි බවයි.