ඔස්ට්‍රේලියාවේ ඉහළ යන නිවාස සහ retirement living වියදම් හේතුවෙන් Cruise Ship එකක දිගුකාලීනව ජීවත් වීමට සිතන විශ්‍රාමිකයන්ට Centrelink වෙතින් වැදගත් අනතුරු ඇඟවීමක් නිකුත් වී තිබෙනවා.

සැප්තැම්බර් 20 සිට Age Pension සහ Carer Payment වැනි ගෙවීම් ලබන පුද්ගලයන්ට විදේශගතව සිටියදී සම්පූර්ණ Pension Supplement එක සති 12ක් දක්වා තබාගත හැකි අතර, දැනට එම සීමාව සති 6ක් පමණයි.

කෙසේවෙතත්, විදේශගතව සිටීම සති 12 ඉක්මවුවහොත් Pension Supplement ගෙවීම නතර විය හැකි අතර, base pension එක දිගටම ලැබුණත් සමස්ත ගෙවීම අඩුවිය හැකියි.

විදේශගතව සිටීම මාස 6කට වැඩි වුවහොත්, එම පුද්ගලයා ඔස්ට්‍රේලියාවේ ජීවත් වූ කාලය සහ Australian Working Life Residence අනුව Age Pension මුදල ද අඩුවිය හැකියි.

නිවාස කුලී, retirement village ගාස්තු සහ දෛනික ජීවන වියදම් ඉහළ යාමත් සමඟ, ආහාර, පිරිසිදු කිරීම, විනෝදාස්වාදය සහ ඇතැම් වෛද්‍ය පහසුකම් එකම ගාස්තුවකට ලැබෙන Cruise ජීවිතය ඇතැම් විශ්‍රාමිකයන්ට ආකර්ෂණීය විකල්පයක් වී තිබෙනවා.

2025 වසරේදී ඔස්ට්‍රේලියානුවන් මිලියන 1.45ක් පමණ Cruise සංචාරයකට එක්ව තිබූ අතර, ඇතැම් විශ්‍රාමිකයන් මාස ගණනාවක් හෝ වසර ගණනාවක් back-to-back cruises මගින් මුහුදේ ජීවත් වන බව ද වාර්තා වනවා.

එහෙත් Cruise Ship එකක් දිගුකාලීන retirement home එකක් ලෙස භාවිත කළත් Centrelinkහි overseas payment නීති අදාළ වන බැවින්, දිගුකාලීනව රටෙන් පිට සිටින විශ්‍රාමිකයන් තම Pension entitlement එක කලින් පරීක්ෂා කරගැනීම වැදගත් බවයි අවධාරණය කෙරෙන්නේ.