Shein සහ Temu වැනි ultra-fast fashion platforms භාවිත කරන ඔස්ට්‍රේලියානුවන් ඒවාට සම්බන්ධ පාරිසරික සහ සදාචාරාත්මක ගැටලු පිළිබඳ දැනුවත්ව සිටියත්, අඩු මිල සහ පහසුව හේතුවෙන් එම භාණ්ඩ මිලදී ගැනීම දිගටම සිදුකරන බව නව අධ්‍යයනයකින් හෙළි වී තිබෙනවා.

RMIT University පර්යේෂකයන් විසින් සිදුකළ මෙම අධ්‍යයනයේදී ඔස්ට්‍රේලියානු millennials පිරිසක් සමඟ සාකච්ඡා කර ඔවුන් ultra-fast fashion භාණ්ඩ මිලදී ගැනීමට පෙළඹෙන ආකාරය පිළිබඳව විමසා තිබෙනවා.

පර්යේෂණයට අනුව බොහෝ පාරිභෝගිකයන් වේගවත් fashion කර්මාන්තය පරිසරයට ඇති කරන බලපෑම් පිළිබඳ අවබෝධයකින් සිටියත්, අඩු මිල, පහසු online shopping අත්දැකීම, විශාල භාණ්ඩ තේරීම සහ විශේෂ වට්ටම් වැනි කරුණු ඔවුන්ගේ මිලදී ගැනීමේ තීරණවලට බලපානවා.

මෙහිදී social media හරහා නව fashion trends නිරන්තරයෙන් දැකගැනීමට ලැබීමත්, එම භාණ්ඩ පහසුවෙන් online හරහා මිලදී ගැනීමට හැකිවීමත් පාරිභෝගිකයන්ගේ shopping habits සමඟ සම්බන්ධ බව පර්යේෂකයන් පෙන්වා දී තිබෙනවා.

Roy Morgan දත්ත අනුව 2025 ජුනි වනවිට ඔස්ට්‍රේලියානුවන් මිලියන 5ක් පමණ Temu වෙතින් සහ මිලියන 2.9ක් පමණ Shein වෙතින් භාණ්ඩ මිලදී ගෙන තිබූ අතර, එම වසර තුළ පාරිභෝගිකයන් සංඛ්‍යාව තවදුරටත් ඉහළ ගොස් තිබෙනවා.

පර්යේෂකයන් පවසන්නේ මෙම shopping තීරණ සම්පූර්ණයෙන්ම හදිසි හෝ නොසිතා සිදුකරන මිලදී ගැනීම් ලෙස සැලකිය නොහැකි බවත්, ඇතැම් පාරිභෝගිකයන් wishlist සකස් කරමින්, භාණ්ඩ cart එකේ තබාගෙන වට්ටම් ලැබෙන අවස්ථාවක් එනතුරු බලා සිටින බවත්ය.

ඒ අනුව පරිසරය පිළිබඳ දැනුවත්භාවය පමණක් ultra-fast fashion භාවිතය අඩු කිරීමට ප්‍රමාණවත් නොවන බවත්, මිල, පහසුව සහ social media බලපෑම වැනි කරුණුද පාරිභෝගික තීරණවලදී වැදගත් වන බවත් මෙම නව අධ්‍යයනය පෙන්වා දෙනවා.