ඔස්ට්‍රේලියාවේ dating apps භාවිතා කරන කාන්තාවන්ට සිදුවන අහිතකර අත්දැකීම් ගැන කළ නව research එකකින් වැදගත් තොරතුරු කිහිපයක් හෙළිවෙලා තියෙනවා.

Minderoo Foundation අරමුදල් ලබාදුන් Behavioural Insights Team විසින් සිදුකළ මෙම study එකට ඔස්ට්‍රේලියාව පුරා කාන්තාවන් 1,008 දෙනෙක් සහභාගී වෙලා තිබෙනවා.

ඒ අතර heterosexual women, එනම් පිරිමි පුද්ගලයන් සමඟ dating කරන කාන්තාවන්ගෙන් 99%ක් පසුගිය මාස 3 තුළ අවම වශයෙන් එක් harmful behaviour එකකට මුහුණ දී ඇති බව පර්යේෂකයන් පවසනවා.

Psychological සහ emotional harm, එනම් මානසික සහ චිත්තවේගීය පීඩනය, වඩාත්ම පොදු අත්දැකීම වී ඇති අතර එය කාන්තාවන්ගෙන් 95%ක් වාර්තා කර තිබෙනවා.

ඊට අමතරව 89%ක් තමන්ගේ activity එක නිරීක්ෂණය කිරීම හෝ surveillance වැනි අත්දැකීම් ලබා ඇති අතර, 88%ක් අනවශ්‍ය sexual images හෝ videos ලැබීම ගැන සඳහන් කර තිබෙනවා.

කාන්තාවන් බොහෝ දෙනෙක් dating apps භාවිතා කරන විට තමන්ගේ ආරක්ෂාව සඳහා profiles පරීක්ෂා කිරීම, පෞද්ගලික තොරතුරු ලබා නොදීම සහ අනෙක් පුද්ගලයා සමඟ සම්බන්ධතාවය පාලනය කිරීම වැනි ක්‍රියාමාර්ග ගන්නා බවත් study එකෙන් හෙළිවෙලා.

මේ තත්ත්වයත් සමඟ dating platforms ඇතුළු online services සඳහා digital duty of care, එනම් පරිශීලකයන්ට සිදුවිය හැකි අවදානම් කලින් හඳුනාගෙන ඒවා අවම කිරීමට platforms වලට වගකීමක් ලබාදීමේ නීති හඳුන්වාදිය යුතු බවට ඉල්ලීම් මතුවෙලා තියෙනවා.

Federal Government එක මේ digital duty of care proposal එක සම්බන්ධයෙන් consultation එකක් පවත්වාගෙන යන අතර, draft legislation එක ලබන මාසයේ ඉදිරිපත් කිරීමට නියමිත බව ABC වාර්තා කරනවා.