වික්ටෝරියා ප්රාන්තයේ 12 හැවිරිදි Trisha, අවසන් අදියරේ වකුගඩු අකර්මණ්යතාවයට මුහුණදී වකුගඩු බද්ධ කිරීමක් සිදුකරගත් පසු, තම ජීවිතයේ ලොකුම සිහිනයක් සැබෑ කරගෙන තිබෙනවා.
Make-A-Wish Australia වැඩසටහන හරහා ඇයට එක් දිනක් Qantas ගුවන් සේවිකාවක් ලෙස කටයුතු කිරීමේ විශේෂ අවස්ථාවක් හිමිවුණා.
සැප්තැම්බර් 15දා Sydney සිට Adelaide දක්වා QF735 ගුවන් යානයේ ගමන් කළ ඇය Qantas නිල ඇඳුම ඇඳගෙන ගුවන් සේවා පුහුණුව සහ හදිසි අවස්ථා ක්රියාපටිපාටිද ඉගෙනගෙන තිබෙනවා.
ඉන්පසු ගුවන් මගීන්ට සේවය කරමින් ආහාර රථය තල්ලු කිරීම ඇතුළු සාමාන්ය කැබින් කාර්ය මණ්ඩලයක කටයුතු අත්විඳි බවයි ඇය මාධ්යයට පවසා ඇත්තේ.
Trisha පවසන්නේ තමන්ට වඩාත්ම සතුටුදායක අත්දැකීම වූයේ මගීන්ට කෑම බෙදාදෙන රථය තල්ලු කිරීම බවයි.
ඇගේ දෙමාපියන් පවසන්නේ දියණිය දැඩි සෞඛ්ය අභියෝගවලට මුහුණදී ඇති නිසා, ඇය මෙතරම් සතුටින් සිටින ආකාරය දැකීම තමන්ට අමතක නොවන මොහොතක් වූ බවයි.
Qantas සමාගම ඇගේ අත්දැකීම සමාජ මාධ්යවල බෙදාගැනීමෙන් පසු, Trishaගේ කතාවට විශාල පිරිසකගෙන් උණුසුම් ප්රතිචාර ලැබී තිබෙනවා.
