ඔස්ට්‍රේලියාවේ CSIRO සහ Adelaide University පර්යේෂකයන් විසින් මී මැස්සන්ගේ silk ප්‍රෝටීන යොදාගෙන තුවාල සුව කිරීමට භාවිත කළ හැකි නව ද්‍රව්‍යයක් නිර්මාණය කිරීම සම්බන්ධයෙන් පර්යේෂණයක් සිදු කර තිබෙනවා.

මෙහිදී මී මැසි silk ප්‍රෝටීන යොදාගෙන ස්වභාවිකව දිරාපත් වන biodegradable film එකක් නිර්මාණය කර ඇති අතර, එය තුවාල සුවවන කාලය තුළ ආරක්ෂිතව භාවිත කළ හැකිද යන්න පිළිබඳව පරීක්ෂා කර තිබෙනවා.

පර්යේෂකයන් පවසන්නේ මෙම ද්‍රව්‍යය තුවාල සුවවීමේ ක්‍රියාවලියට බාධාවක් නොවන බවත්, කාලයත් සමඟ තුවාලය ආශ්‍රිතවම ක්‍රමයෙන් දිරාපත් වීමට හැකි බවයි.

මෙම තාක්ෂණය තවදුරටත් දියුණු කළහොත් තුවාලයක infection එකක් ඇතිවෙමින් තිබේදැයි හඳුනාගැනීමට හැකි smart wound dressing එකක් නිර්මාණය කිරීමට හැකිවනු ඇති බව පර්යේෂකයන් පවසනවා.

එමෙන්ම තුවාලයට අවශ්‍ය ඖෂධය නියමිත ස්ථානයට පමණක් නිකුත් කළ හැකි ආකාරයේ dressing එකක් නිර්මාණය කිරීමටත් මෙම තාක්ෂණය භාවිත කළ හැකි බව සඳහන්.

විශේෂයෙන් දිගු කාලයක් පවතින තුවාල සහ නැවත නැවත ප්‍රතිකාර අවශ්‍ය වන රෝගීන් සඳහා මෙවැනි smart dressing තාක්ෂණයක් ඉදිරියේදී ප්‍රයෝජනවත් විය හැකි අතර, දුරස්ථ ප්‍රදේශවල සිටින රෝගීන්ටත් එය වැදගත් විය හැකි බව පර්යේෂකයන් පෙන්වා දෙනවා.

මී මැසි silk යොදාගත් මෙම නව ද්‍රව්‍යය සම්බන්ධ පර්යේෂණය තවමත් ආරම්භක අදියරේ පවතින නමුත්, තුවාල සුව කිරීමේදී infection හඳුනාගෙන අවශ්‍ය ඖෂධ නියමිත ස්ථානයට ලබාදිය හැකි නව පරම්පරාවේ wound dressing නිර්මාණය කිරීමට මෙය වැදගත් පියවරක් විය හැකි බවයි පර්යේෂකයන් පවසන්නේ.

#AustralianResearch #CSIRO #AdelaideUniversity #HoneybeeSilk #WoundHealing #SmartWoundDressing #MedicalResearch