ඔස්ට්‍රේලියානු රජය ඔක්තෝබර් 5 වැනිදා සිට අවලංගු කිරීමට නියමිත Graduate Diploma of Management (Learning) පාඨමාලාවට අවසන් මොහොතේ විදේශීය සිසුන් විශාල පිරිසක් ඇතුළත් කරගෙන ඇති බව Guardian වාර්තා කර තිබෙනවා.

සැප්තැම්බර් 4 වැනිදා මෙම පාඨමාලාව නවත්වන බව නිවේදනය කිරීමෙන් පසු නව සිසුන් 1,300කට වැඩි පිරිසක් ඇතුළත් කරගෙන ඇති අතර, තවත් සිසුන් 1,500කට වැඩි පිරිසකගේ අනාගත පාඨමාලා ආරම්භක දිනයන් ඉදිරියට ගෙනවිත් තිබෙන බව සඳහන්. ඒ අනුව අවසන් මොහොතේ සිසුන් 3,000කට ආසන්න පිරිසකගේ enrolments වෙනස් වී තිබෙනවා.

මෙම පාඨමාලාව ඇතැම් විදේශීය සිසුන්ට ඔස්ට්‍රේලියාවේ රැඳී සිටීම සඳහා භාවිත කළ බවට රජය අවධානය යොමු කර ඇති අතර, ඒ නිසා පාඨමාලාව deregister කිරීමට තීරණය කර තිබෙනවා.

මේ අතර ඇතැම් private colleges සහ migration education agents විසින් වට්ටම්, ඉක්මන් enrolment සහ same-day confirmation වැනි දේ ප්‍රචාරය කරමින් සිසුන් ඉක්මනින් පාඨමාලාවට ඇතුළත් කරගැනීමට උත්සාහ කළ බවත් වාර්තා වෙනවා.

ඒ සම්බන්ධයෙන් Home Affairs Department එක providers කිහිපයකට ලිපි යවා ඔවුන්ගේ ක්‍රියාකාරකම් පිළිබඳ පැහැදිලි කිරීම් ඉල්ලා ඇති අතර, රජය මේ enrolment රටාවන් පිළිබඳව දැඩි අවධානයෙන් පසුවන බවයි වාර්තා වන්නේ.

විශේෂයෙන්ම, පාඨමාලාව අවලංගු කිරීමට පෙර enrolment එක ඉක්මනින් ආරම්භ කර ගැනීමෙන් visa නීති මඟහැරීමට උත්සාහ කිරීමක් සිදුවී ඇත්ද යන්න පිළිබඳවද බලධාරීන් පරීක්ෂා කරනවා. දැනට පාඨමාලාවට සම්බන්ධ සිසුන් 15,000කට වැඩි පිරිසක් සිටින අතර, තවත් 40,000කට වැඩි අනාගත enrolments තිබෙන බව Guardian සඳහන් කරනවා.

වැදගත්ම දේ: ඔක්තෝබර් 5ට පෙර පාඨමාලාව ආරම්භ කරන සිසුන්ට, නීති උල්ලංඝනයක් හඳුනා නොගන්නේ නම්, පාඨමාලාව සම්පූර්ණ කිරීමට ඉඩ ලැබෙන බව සඳහන්.

#Australia #InternationalStudents #AustralianEducation #StudentVisa #AustraliaNews #InternationalEducation #DiplomaCourse