ඔස්ට්‍රේලියාවේ card ගෙවීම් සඳහා පාරිභෝගිකයන්ගෙන් අමතර ගාස්තු අය කිරීම නවත්වන නව නීති අද සිට ක්‍රියාත්මක වී තිබෙනවා.

ඒ අනුව eftpos, Mastercard සහ Visa හරහා සිදුකරන ණය, හර සහ පෙරගෙවුම් card ගෙවීම් සඳහා ව්‍යාපාරවලට card surcharge එකක් අය කළ නොහැකි වනවා. American Express සහ UnionPay වැනි අනෙකුත් ගෙවීම් ජාලද අද සිට surcharge ඉවත් කිරීමට තීරණය කර තිබෙනවා.

මෙම වෙනස Reserve Bank of Australia හෙවත් RBA විසින් සිදුකළ ගෙවීම් පද්ධති සමාලෝචනයකින් පසුව හඳුන්වා දී ඇති අතර, card ගෙවීම් සඳහා පාරිභෝගිකයන්ට අමතර ගාස්තු එකතු වීම නවතා ගෙවීම් වඩාත් සරල කිරීම මෙහි අරමුණක් වී තිබෙනවා.

ඒ අනුව පාරිභෝගිකයෙකු භාණ්ඩයක් හෝ සේවාවක් මිලදී ගැනීමේදී card එක භාවිත කිරීම නිසා වෙනම card surcharge එකක් ගෙවීමට සිදු නොවන අතර, ව්‍යාපාරවලට තම භාණ්ඩ හා සේවා මිල ගණන් නැවත සලකා බැලීමට සිදුවනවා.

RBA පවසන්නේ surcharge ඉවත් කිරීමත් සමඟ ව්‍යාපාරවල card ගෙවීම් සැකසීමේ වියදම් අඩු කිරීමටත් පියවර ගෙන ඇති අතර, විශේෂයෙන් කුඩා ව්‍යාපාරවලට එහි ප්‍රතිලාභ ලැබිය හැකි බවයි.

කෙසේ වෙතත් card surcharge තහනමට weekend surcharge, public holiday surcharge, booking fee හෝ service fee වැනි සියලුම අමතර ගාස්තු ඇතුළත් නොවන බව RBA පැහැදිලි කරනවා.

ඒ අනුව අද සිට card එකෙන් ගෙවන පාරිභෝගිකයන්ගෙන් card එක භාවිත කිරීම වෙනුවෙන් වෙනම surcharge එකක් අය කළහොත් ඒ පිළිබඳව අවධානය යොමු කළ හැකි අතර, ව්‍යාපාරද නව ගෙවීම් නීතිවලට අනුකූලව තම ගෙවීම් පද්ධති සහ මිල ගණන් යාවත්කාලීන කළ යුතු වනවා.

#CardSurcharge #CardPayments #Surcharge #RBA #ConsumerNews #AustralianConsumers