ඔස්ට්‍රේලියාවේ රියදුරන්ට හුරුපුරුදු නොවන, නමුත් දඩ සහ දඬුවම් ලැබිය හැකි මාර්ග නීති රැසක් තිබෙනවා.

Victoria ප්‍රාන්තයේ දැන් emergency සහ roadside assistance වාහන අසලින් යනවිට ඇතැම් අවස්ථාවල වේගය පැයට කිලෝමීටර් 40 දක්වා අඩු කළ යුතු අතර, එය නොකළහොත් විශාල දඩයක් ලැබිය හැකියි.

මෝටර් රථයේ කොඩි හෝ සැරසිලි රියදුරුගේ පෙනීම අවහිර කරනවා නම් දඩ ලැබිය හැකි අතර, අනවශ්‍ය ලෙස හෝන් කිරීමත් නීති විරෝධී විය හැකියි.

EV charging bay එකක සුදුසුකම් නොමැති වාහනයක් නැවත්වීමත්, වාහනයෙන් බැස යනවිට යතුරු ඇතුළේ තැබීමත්, දොරවල් ලොක් නොකර තැබීමත් ඇතැම් ප්‍රාන්තවල දඩයකට හේතු විය හැකියි.

කෙසෙල් පොත්තක් වැනි දිරාපත් වන දෙයක් වුවද මෝටර් රථයෙන් පිටතට විසි කිරීම littering offence එකක් ලෙස සැලකිය හැකියි.

සුරතල් සතෙකු රියදුරුගේ උකුලේ තබාගෙන රිය පැදවීම හෝ වාහනය පාලනය කිරීමට බාධා වන ආකාරයෙන් සතෙකු තබාගැනීමත් දඩ සහ demerit pointsවලට හේතු වනවා.

තවත් වැදගත් කරුණක් වන්නේ, වෙනත් වාහනයක් තමන්ව පසුකර යන අතරතුර වේගය වැඩි කිරීමත් නීති විරෝධී වීමයි.

පාපැදිකරුවන් පසුකර යනවිට අවම ආරක්ෂිත දුරක් තබාගත යුතු අතර, බොහෝ ප්‍රාන්තවල පැයට කිලෝමීටර් 60ට අඩු වේගයකදී අවම වශයෙන් මීටරයක් සහ ඊට වැඩි වේගයකදී මීටර් 1.5ක් තබාගැනීම අවශ්‍යයි.

මේ අතර පාවහන් නොමැතිව හෝ සෙරෙප්පු පැළඳ රිය පැදවීම නීති විරෝධී නොවන අතර, රියදුරුට වාහනය සම්පූර්ණයෙන් පාලනය කළ හැකි වීමයි වැදගත් වන්නේ.

එපමණක් නොව, රිය ධාවනය කිරීමේදී හෝන් එක අනිසි ලෙස භාවිතා කිරීම, මාවතේ ගමන් කරන සතුන් පාලනය කරගැනීමට අපොහොසත් වීම සහ අවම වශයෙන් 2cmක් පමණක් ජනේල විවෘත කර යාම වැනි රීති උල්ලංඝනය කිරීමෙන් වැළකෙන ලෙස විශේෂඥයින් රියදුරන්ට දැඩිව අවවාද කරනවා.

මෙම නීති සහ දඩ මුදල් ප්‍රාන්තයෙන් ප්‍රාන්තයට වෙනස් විය හැකි නිසා, දිගු ගමනකට පෙර තමන් ගමන් කරන ප්‍රාන්තයේ මාර්ග නීති පරීක්ෂා කර බැලීම වැදගත්.