මෙල්බන් නගරයේ waterfront ප්‍රදේශ වැඩි වශයෙන් ජනතාවට විවෘත කර, ස්වභාවික පරිසරය සමඟ සම්බන්ධ කරන ආකාරයට සංවර්ධනය කළ යුතු බව සිඩ්නි නගරයේ නියෝජ්‍ය නගරාධිපති ධුරයෙන් ඉවත්ව යන Jess Miller යෝජනා කර තිබෙනවා.

ඇය පවසන්නේ සිඩ්නිහි Barangaroo ප්‍රදේශය, පැරණි වරාය සහ කාර්මික භූමියක්, ජනතා උද්‍යානයක්, promenade එකක්, ආහාරපාන සහ විනෝදාස්වාද ප්‍රදේශයක් බවට පරිවර්තනය කළ ආකාරය මෙල්බන් සඳහා ද උදාහරණයක් විය හැකි බවයි.

Port of Melbourne සහ භාවිතයෙන් ඉවත්වන docks වැනි ප්‍රදේශවල කොටසක් නැවත ස්වභාවික පරිසරයට ලබාදී, නගරවාසීන්ට ජලයට සමීප වීමට වැඩි අවස්ථා ලබාදිය හැකි බව ඇය පෙන්වා දෙනවා.

Miller පවසන්නේ මෙල්බන් නගරයේ Yarra River, St Kilda Beach, creeks, bushland සහ ocean වැනි ස්වභාවික සම්පත් තිබුණත්, නගර ජීවිතය තුළ ඒවා තරමක් “පසුබැසී” ඇති බවයි.

2050 වන විට මෙල්බන්හි කිසියම් dock ප්‍රදේශයක් නැවත ස්වභාවික waterfront එකක් බවට පත් කිරීමත්, Yarra River ජනතාවට පිහිනීමට සුදුසු තත්ත්වයට ගෙන ඒමත් දැකීමට කැමති බව ඇය පවසා තිබෙනවා.

මෙල්බන් නගරාධිපති Nicholas Reece ද 2050 වන විට Yarra River එක swimmable කිරීමේ අදහස මීට පෙර ප්‍රකාශ කර තිබෙනවා.

මෙම යෝජනාව මෙල්බන් සහ සිඩ්නි අතර තරගයක් ලෙස නොව, නගර දෙකම ලෝකයේ හොඳම නගර සමඟ තරග කිරීමට එකිනෙකාගෙන් හොඳ අදහස් ලබාගැනීමේ අවස්ථාවක් ලෙස දැකිය යුතු බවයි Jess Miller පෙන්වා දෙන්නේ.