ඔස්ට්‍රේලියාවේ සංක්‍රමණය දැඩි ලෙස අඩු කිරීමෙන් නිවාස සහ යටිතල පහසුකම්වල පීඩනය අඩුවිය හැකි නමුත්, ඒ සමඟම රැකියා වෙළඳපොළ සහ ආර්ථික වර්ධනයට නව ගැටලු ඇතිවිය හැකි බව  විශ්ලේෂණයකින් පෙන්වා දෙනවා.

කැනඩාව තාවකාලික සංක්‍රමණිකයන්ගේ ප්‍රතිශතය සියයට 7.6 සිට සියයට 5 දක්වා අඩු කිරීමට පියවර ගෙන ඇති අතර, එරට ජනගහන වර්ධනය සියයට 3.1 සිට සියයට 0.5 දක්වා පහළ ගොස් ඇති බවයි එම වාර්තාවේ දැක්වෙන්නේ.

එහි ප්‍රතිඵලයක් ලෙස කැනඩාවේ විශ්වවිද්‍යාල සහ ජාත්‍යන්තර අධ්‍යාපන අංශයට දැඩි බලපෑමක් ඇතිවී ඇති අතර, ආර්ථිකයද නව තත්ත්වයට “ගැළපෙමින්” සිටින බව විශ්ලේෂකයන් සඳහන් කරනවා.

ඔස්ට්‍රේලියාවේ තත්ත්වය කැනඩාවට සෘජුවම සමාන කළ නොහැකි බව ආර්ථික විද්‍යාඥයන් පවසන අතර, මෙරට කම්කරු වෙළඳපොළ තවමත් තද බැවින් skilled workers අඩුවීම විශේෂයෙන් සෞඛ්‍ය, aged care, hospitality, agriculture සහ construction වැනි අංශවලට බලපෑ හැකි බවට අවධානය යොමු කරනවා.

ජාත්‍යන්තර සිසුන් සංඛ්‍යාව දැඩි ලෙස අඩු වුවහොත් විශ්වවිද්‍යාල ආදායම පමණක් නොව, retail, accommodation සහ අනෙකුත් සේවා අංශවල රැකියා සහ ව්‍යාපාරික ක්‍රියාකාරකම්ද අඩුවිය හැකි බවයි ක්ෂේත්‍ර නියෝජිතයින් පෙන්වා දී ඇත්තේ.

දිගුකාලීනව සංක්‍රමණය අඩු වීමත් වයස්ගත ජනගහනයත් එකට එක්වීමෙන් රටේ සේවක හිඟය සහ රජයේ බදු ආදායම් පීඩනය වැඩිවිය හැකි බවද ආර්ථික විද්‍යාඥයන් අනතුරු අඟවනවා.