ඔස්ට්‍රේලියාවේ සංක්‍රමණ සංඛ්‍යාව අඩු කිරීම සඳහා ජාත්‍යන්තර ශිෂ්‍ය වීසා නීති දැඩි කිරීමත් සමඟ, එහි බලපෑම Uber ඇතුළු දෛනික සේවා අංශවලටත් පැමිණිය හැකි බව international education sector එකෙන් අනතුරු අඟවා තිබෙනවා.

ජාත්‍යන්තර අධ්‍යාපන කවුන්සිලයේ ප්‍රධානී Phil Honeywood පවසන්නේ විදෙස් සිසුන් බොහෝ දෙනෙක් අධ්‍යාපනය සමඟ rideshare, retail සහ service stations වැනි අංශවල part-time සේවය කරන නිසා, ඔවුන්ගේ සංඛ්‍යාව තදින් අඩු වුණොත් සේවක හිඟය තවත් වැඩි විය හැකි බවයි.

ඔහුගේ අනතුරු ඇඟවීම අනුව, එවැනි සේවක හිඟයක් ඇති වුවහොත් මෙල්බන් වැනි නගරවල Uber රථයක් ලබාගැනීමට වැඩි කාලයක් බලා සිටීමටත්, සමහර අවස්ථාවල ගාස්තු ඉහළ යාමටත් ඉඩ තිබෙනවා.

මේ අතර ෆෙඩරල් රජය ජාත්‍යන්තර ශිෂ්‍යයින් සම්බන්ධ නීති තවත් දැඩි කරමින් වීසා වර්ගය මාරු කිරීම සහ පවුල් සංක්‍රමණය වැනි අංශවල සීමා වැඩි කර ඇති අතර, ශුද්ධ විදේශ සංක්‍රමණය 225,000 දක්වා අඩු කිරීමේ ඉලක්කයක් ද තබා තිබෙනවා.

අනෙක් පැත්තෙන්, රජය පවසන්නේ සංක්‍රමණ පද්ධතියේ ඇති හිඩැස් වසා, සැබෑ අධ්‍යාපන අරමුණක් ඇති සිසුන්ට සහ රටට අවශ්‍ය කුසලතා ඇති සේවකයන්ට වැඩි ප්‍රමුඛතාවක් ලබාදීම මෙහි අරමුණ බවයි.

ඒ නිසා ඉදිරියේදී ජාත්‍යන්තර සිසුන් සංඛ්‍යාව අඩු වුවහොත් එහි බලපෑම විශ්වවිද්‍යාලවලට පමණක් නොව Uber, hospitality, retail සහ වෙනත් service sectors වලටත් කොපමණ දුරට පැමිණේද යන්න දැඩි අවධානයට ලක්වෙමින් තිබෙනවා.

(Herald Sun)