වික්ටෝරියාවේ ප්‍රාදේශීය ප්‍රදේශවල ජීවත්වන ජනතාව අතර සමේ පිළිකා සම්බන්ධයෙන් වැඩි අවධානයක් යොමු කළ යුතු බවට සෞඛ්‍ය විශේෂඥයන් පෙන්වා දී තිබෙනවා.

විශේෂයෙන්ම ප්‍රාදේශීය ප්‍රදේශවල melanoma අවදානම ප්‍රධාන නගර ප්‍රදේශවලට වඩා ඉහළ මට්ටමක පවතින බව නව දත්ත පෙන්වා දෙනවා.

AIHW දත්ත අනුව regional Australia හි melanoma මරණ අනුපාතය major cities වලට වඩා ඉහළ මට්ටමක පවතින අතර, outer regional ප්‍රදේශවල තත්ත්වයද විශේෂ අවධානයට ලක්ව තිබෙනවා.

ප්‍රාදේශීය ප්‍රදේශවල දිගු කාලයක් හිරු එළියට නිරාවරණය වීම සහ විශේෂඥ වෛද්‍ය සේවාවන් ලබාගැනීමේ අපහසුතා මෙම ගැටලුවට බලපාන කරුණු අතරට ඇතුළත් වන බව සඳහන් වෙනවා.

විශේෂයෙන්ම වික්ටෝරියාවේ ප්‍රාදේශීය ප්‍රදේශවල චර්ම රෝග විශේෂඥ වෛද්‍යවරුන්ගේ හිඟයක් පවතින බවත්, ඒ හේතුවෙන් සමේ පිළිකා හඳුනාගැනීම සහ ප්‍රතිකාර සඳහා වැඩි කාලයක් බලා සිටීමට සිදුවන අවස්ථා ඇති බවත් වාර්තා වී තිබෙනවා.

මේ තත්ත්වය හමුවේ Australian Skin Cancer Foundation විසින් ප්‍රාදේශීය සහ ග්‍රාමීය ප්‍රජාවන් වෙත නොමිලේ සම පරීක්ෂා කිරීමේ ජංගම සායන රැගෙන යන වැඩසටහනක් ක්‍රියාත්මක කර තිබෙනවා.

එම ජංගම සායන මගින් සම්පූර්ණ ශරීර සම පරීක්ෂාවන්, නවීන තාක්ෂණය භාවිතයෙන් සම පරීක්ෂා කිරීම සහ අවශ්‍ය අවස්ථාවලදී biopsy වැනි සේවාවන්ද ලබාදෙන බව එම පදනම සඳහන් කරනවා.

ඒ අනුව සමේ අසාමාන්‍ය ලපයක්, එහි වර්ණය හෝ හැඩය වෙනස් වීමක් දක්නට ලැබුණහොත් වෛද්‍ය උපදෙස් ලබාගැනීම සහ සම පරීක්ෂා කර ගැනීම ප්‍රමාද නොකරන ලෙස සෞඛ්‍ය විශේෂඥයන් ජනතාවට දැනුම් දෙනවා.