මෙම නව සංක්‍රමණ ප්‍රතිපත්තිය අද නිල වශයෙන් එළිදැක්වීමට නියමිත අතර, විදේශීය සිසුන් සහ තාවකාලික වීසා හිමියන් සම්බන්ධයෙන් දැඩි නීති කිහිපයක් යෝජනා කිරීමටත් සූදානම් බව සඳහන්.

විශේෂයෙන් visa hopping, visa කාලය ඉක්මවා රට තුළ රැඳී සිටීම සහ dependants ලෙස පවුලේ සාමාජිකයන් ගෙන්වා ගැනීම සම්බන්ධයෙන් නව සීමා පැනවිය හැකි බව වාර්තා වනවා.

ඒ සමඟම, වීසා ඉල්ලුම්පත් ප්‍රතික්ෂේප කිරීමේ ක්‍රියාවලිය වේගවත් කිරීම සහ නීතිවිරෝධී ලෙස රැඳී සිටින පුද්ගලයන් රටින් ඉවත් කිරීම සම්බන්ධයෙන්ද වැඩි අවධානයක් යොමු කිරීමට නියමිතයි.

කෙසේවෙතත්, ගොවිපළ, ප්‍රාදේශීය කර්මාන්ත සහ සේවා අංශවල ශ්‍රම හිඟය හේතුවෙන් Working Holiday Makers වැනි කණ්ඩායම් සම්බන්ධයෙන් වෙනම ප්‍රවේශයක් ගැනීමට Coalition පක්ෂය සැලසුම් කරමින් සිටිනවා.

Shadow Home Affairs Minister Jonno Duniam පවසන්නේ, ඔස්ට්‍රේලියාවට පැමිණෙන පුද්ගලයන් තම වීසා කොන්දේසි පිළිපැදිය යුතු අතර වීසා කාලය අවසන් වූ පසු රටින් පිටවීම අනිවාර්ය විය යුතු බවයි.

මෙම යෝජනා සියල්ල ඇතුළත් සම්පූර්ණ Coalition migration policy එක අද, ඔක්තෝබර් 6 වනදා ප්‍රකාශයට පත් කිරීමට නියමිතයි.