නවසීලන්තයේ Wellingtonහි Victoria Universityහි බොහෝ සිසුන් ජීවන වියදම් ඉහළ යාම නිසා දැඩි ආර්ථික පීඩනයකට මුහුණ දී ඇති බව හෙළිව තිබෙනවා.
සිසුන් 1,238 දෙනෙකු සහභාගී වූ සමීක්ෂණයකදී හෙළිවී ඇත්තේ ඉන් 33%ක්, මුදල් නොමැති නිසා පසුගිය සතිය තුළ අවම වශයෙන් එක් ආහාර වේලක් හෝ මඟහැර ඇති බවයි.
එමෙන්ම 38%කට ආසන්න පිරිසක්, පොදු ප්රවාහන ගාස්තු ගෙවීමට නොහැකි වීම හේතුවෙන් විශ්වවිද්යාල පන්ති පවා මඟහැර ඇති බවයි වාර්තා වන්නේ.
ඇතැම් සිසුන් නිවාස කුලිය, විදුලි බිල් සහ අනෙකුත් වියදම් ගෙවීමට අර්ධකාලීන රැකියා කිහිපයක් කරන අතර, වැඩ මුර නොලැබෙන සතිවලදී ආහාර අඩු කිරීමට සිදුවන බව ද පවසනවා.
ඉහළ ආහාර මිල නිසා නැවුම් පළතුරු සහ එළවළු වෙනුවට බත්, බෝංචි, ටින් කළ ආහාර සහ අඩු මිල ආහාර වෙත යොමුවීමට ද සිසුන්ට සිදුව තිබෙනවා.
තෙවැනි වසරේ සිසුන්ගෙන් 78%ක්, උපාධිය අවසන් කිරීමෙන් පසු වඩා හොඳ රැකියා අවස්ථා සොයා විදේශගත වීම ගැන සලකා ඇති බවයි සමීක්ෂණයෙන් හෙළිවී ඇත්තේ.
මේ අතර ශිෂ්ය සංගමය පවසන්නේ, ජීවන වියදම්වලට ගැළපෙන ලෙස සිසුන්ට ලැබෙන ආධාර සැලකිය යුතු ලෙස වැඩි නොකළහොත් උසස් අධ්යාපනය බොහෝ දෙනෙකුට දැරිය නොහැකි දෙයක් බවට පත්විය හැකි බවයි.
