නැගෙනහිර Geelong ප්රදේශයේ Ocean Groveහි වෙරල තීරයකින් වසර මිලියන 21ක් පැරණි තල්මසෙකුගේ ෆොසිලයක් හමු වී තිබෙනවා.
මෙය වික්ටෝරියානු ප්රාන්තයෙන් හමු වූ විශාලතම සහ සංකීර්ණ ම ෆොසිලය වන අතර එය පරිණාමයේ මෙතෙක් සොයා නොගත් කොටස් ගවේෂණය කිරීම සඳහා නව දොරටු විවර කරනු ඇතැයි විද්යාඥයින් පවසනවා.
මෙම ෆොසිලය සම්බන්ධව ප්රථමයෙන් නිරීක්ෂණය කර ඇත්තේ වෙරළට පැමිණි පිරිසක් විසින් වන අතර ඔවුන් ඒ පිළිබඳව Museums Victoria Research Institute ආයතනයේ මහාචාර්ය Eric Fitzgerald හට ඊමේල් පණිවිඩයකින් දන්වා තිබෙනවා.
පසුව මහාචාර්යවරයාද ෆොසිලය නිරීක්ෂණය කර ඇති අතර ඉන්පසු එය ආරක්ෂිතව ඉවතට ගැනීමට සැලසුමක් සකස් කර තිබෙනවා.
මාස ගණනක මෙහෙයුමකින් පසුවයි මෙම ෆොසිලය සම්පුර්ණයෙන්ම ඉවතට ගෙන ඇත්තේ.
මෙම තල්මසා කුමන වර්ගයකට අයත් තල්මසෙකු ද යන්න තවමත් සොයාගෙන නොමැති අතර ඒ පිළිබඳව තවදුරටත් පරීක්ෂණ සිදු කරන බව පැවසෙනවා.
