වික්ටෝරියා ප්රාන්තයේ ශ්රමිකයන්ට සහ ව්යාපාරිකයන්ට AI තාක්ෂණය පිළිබඳ ප්රායෝගික පුහුණුව ලබාදීමේ විශේෂ වැඩසටහනක් ආරම්භ කර තිබෙනවා.
Skills Solutions Partnerships වැඩසටහනේ 3 වන අදියර යටතේ, ඩොලර් මිලියන 1.2ක මුදලක් වෙන් කරමින් ව්යාපෘති 4ක් ක්රියාත්මක කිරීමටයි වික්ටෝරියානු රජය පියවර ගෙන ඇත්තේ.
මෙම ව්යාපෘතිය යටතේ, The Gordon TAFE ආයතනය මගින් නිෂ්පාදන ක්ෂේත්රයේ නියැලෙන්නන්ට ප්රායෝගික AI කුසලතා ලබා දෙන අතර, Victoria University මගින් ඩිජිටල් ව්යාපාර සඳහා AI තාක්ෂණය සුරක්ෂිතව භාවිත කරන ආකාරය පුහුණු කරනවා.
එමෙන්ම, Holmesglen ආයතනය මගින් කුඩා හා මධ්යම පරිමාණ ව්යාපාරිකයන්ටත්, RMIT විශ්වවිද්යාලය මගින් data centres ආශ්රිත ආරක්ෂණ ක්රමවේද පිළිබඳවත් විශේෂ පුහුණුවක් ලබාදීමට නියමිතයි.
වික්ටෝරියාවේ ආර්ථික වර්ධනය වේගවත් කිරීම උදෙසා ක්රියාත්මක වන මෙම වැඩසටහන පිළිබඳ වැඩිදුර විස්තර ‘Business Victoria’ නිල වෙබ් අඩවියට පිවිසීමෙන් ලබාගත හැකියි.
