ඔස්ට්රේලියාවේ වෙසෙන ශ්රී ලාංකික ප්රජාව වෙනුවෙන් සංවිධානය කළ “AusLankaTV බුද්ධානු ප්රභා” දැවැන්ත වෙසක් කලාපය හෙටින් අවසන් වනවා.
ඔස්ට්රේලියාවේ සියලුම ප්රාන්ත ආවරණය වන පරිදි පැවැත්වෙන මෙම සුවිශේෂී වෙසක් වැඩසටහන, ශ්රී ලංකාවෙන් පිටත සංවිධානය වන විශාලතම වෙසක් සැමරුම් අතරින් එකක් ලෙසයි සැලකෙන්නේ.
රට පුරා සිටින ශ්රී ලාංකිකයින්ගේ නිර්මාණශීලීත්වය සහ බෞද්ධ සංස්කෘතික උරුමය එකම වේදිකාවකින් දැකගැනීමට මෙමගින් අවස්ථාව උදාවනවා.
රට පුරා නැරඹිය හැකි වෙසක් කූඩු, තොරණ, ආලෝක සැරසිලි සහ අනෙකුත් නිර්මාණ නැරඹීමට පැමිණෙන ජනතාවට, එම ස්ථානවල ප්රදර්ශනය කර ඇති QR Code ස්කෑන් කිරීම හරහා තමන් කැමතිම නිර්මාණයට මනාපය ලබාදීමේ හැකියාව ද හිමිවනවා.
මහජන මනාප ලබාදීමේ කාලය හෙට එනම් ජූනි 7 වනදා රාත්රී 11.59 ට අවසන් වන අතර මෙම මනාප ප්රකාශ කිරීමේ අවස්ථාව හිමිවන්නේ ඔස්ට්රේලියාවේ වෙසෙන ශ්රී ලාංකිකයන්ට පමණක් බවයි දැනුම්දී ඇත්තේ.
ආකර්ෂණීය ත්යාග රැසක් ජයග්රාහකයන් වෙනුවෙන්!
- පළමු ස්ථානය – $1,500
- දෙවන ස්ථානය – $1,000
- තෙවන ස්ථානය – $750
- සැනසිලි ත්යාග – $250 බැගින්
මෙම දැවැන්ත වෙසක් සැමරුම සඳහා Sanji Kaldera Associates, Sahanro Ayurveda, Home Lands Melbourne සහ Transco Cargo ප්රධාන අනුග්රාහකත්වය ලබා දෙන අතර, Onaro Foods, One Tax Accountants සහ Sapling Lawyers සම අනුග්රහය දක්වනවා.
මෙවර වෙසක් තෙමඟුල ආධ්යාත්මික වශයෙන් හා සංස්කෘතික වශයෙන් අර්ථවත් ලෙස සමරමින්, ශ්රී ලාංකික අනන්යතාවය සහ බෞද්ධ සම්ප්රදාය නව පරපුරට දායාද කිරීමේ මෙම විශේෂ අවස්ථාවට එක්වන ලෙසයි AusLankaTV මාධ්ය ජාලය සියලුම ඔස්ට්රේලියානු ශ්රී ලාංකිකයන්ගෙන් ඉල්ලා සිටින්නේ.
“AusLankaTV බුද්ධානු ප්රභා” වෙසක් කලාපය පැවැත්වෙන ස්ථාන
