චීන මෝටර් රථ නිෂ්පාදන දැවැන්තයෙකු වන BYD ට අයත් විශේෂයෙන් මෝටර් රථ ප්රවාහනය සඳහා නිර්මාණය කළ නෞකාවක් විදුලි සහ හයිබ්රිඩ් මෝටර් රථ 5,000ක් රැගෙන ඕස්ට්රේලියාවට පැමිණ තිබෙනවා.
ඉන්ධන මිල ඉහළ යාම සහ විදුලි වාහන සඳහා පවතින ඉහළ ඉල්ලුම හමුවේ, ඕස්ට්රේලියානු වෙළෙඳපොළ සඳහා BYD සමාගම සිය බෙදාහැරීමේ සැලසුම් තවදුරටත් පුළුල් කර ඇති බවයි වාර්තා වන්නේ.
මෙය BYD සමාගමට අයත් වාහන ප්රවාහන නෞකාවක් සෘජුවම ඕස්ට්රේලියාවට පැමිණි පළමු අවස්ථාව ලෙසද සැලකෙනවා.
මෙම නෞකාවෙන් රැගෙන ආ වාහන අතර විදුලි මෝටර් රථ මෙන්ම plug-in hybrid මාදිලිද ඇතුළත් වන අතර, ඕස්ට්රේලියාවේ වැඩිවන ඉල්ලුම සපුරාලීම මෙහි ප්රධාන අරමුණයි.
පසුගිය කාලය තුළ BYD සමාගම ඕස්ට්රේලියානු මෝටර් රථ වෙළෙඳපොළේ වේගයෙන් වර්ධනය වී ඇති අතර, විදුලි වාහන අලෙවියේ ප්රබල තරඟකරුවෙකු බවටද පත්ව තිබෙනවා.
මෙම නව තොගය පැමිණීමත් සමඟ වාහන බලාපොරොත්තු ලැයිස්තු කෙටි වීම සහ පාරිභෝගිකයින්ට ඉක්මනින් වාහන ලබාගැනීමේ අවස්ථාව උදාවනු ඇතැයි අපේක්ෂා කෙරෙනවා.
