ඕස්ට්රේලියාවේ විශ්වවිද්යාල පද්ධතියට තවත් අනතුරු ඇඟවීමක් නිකුත් කරමින් නවතම QS World University Rankings 2026 ශ්රේණිගත කිරීම්වලදී රටේ විශ්වවිද්යාල බහුතරයක් පහළට වැටී තිබෙනවා.
නව දත්ත අනුව ශ්රේණිගත කර ඇති ඕස්ට්රේලියානු විශ්වවිද්යාල 36න් 25ක්ම පසුගිය වසරට සාපේක්ෂව පහළ ගොස් ඇති අතර එය සියයට 69ක පමණ පසුබෑමක් ලෙසයි සැලකෙන්නේ.
ඕස්ට්රේලියාවේ ඉහළම ශ්රේණිගත විශ්වවිද්යාලය වන University of Melbourne ද ලෝක ශ්රේණිගත කිරීමේ ස්ථාන කිහිපයක් අහිමි කරගෙන 19 වැනි ස්ථානයට පත්ව තිබෙනවා.
University of Sydney සහ UNSW ඇතුළු ප්රමුඛ ආයතන රැසක්ද පහළ ගොස් ඇති බව වාර්තා වන්නේ.
විශේෂඥයන් පෙන්වා දෙන්නේ අරමුදල් පීඩනය, ජාත්යන්තර ශිෂ්ය ප්රතිපත්ති වෙනස්කම් සහ ආසියානු විශ්වවිද්යාලවල වේගවත් ඉදිරි ගමන මෙම පසුබෑමට හේතු වී ඇති බවයි.
කෙසේ වෙතත්, තවමත් ඕස්ට්රේලියානු විශ්වවිද්යාල 9ක් ලෝකයේ හොඳම විශ්වවිද්යාල 100 අතර ස්ථාන රඳවාගෙන සිටිනවා.
