ඔස්ට්රේලියාවේ income support system එක දැඩි පීඩනයකට ලක්ව ඇති බව නව වාර්තාවකින් හෙළිව තිබෙනවා.
Monash University සහ SuperFriend ආයතන එක්ව කළ අධ්යයනයකට අනුව, මේ වනවිට මිලියන 8කට වැඩි ඔස්ට්රේලියානුවන් පිරිසක් යම් ආකාරයක ආදායම් ආධාරයක් නැතහොත් income support එකක් මත ජීවත් වන බව සඳහන්.
විශේෂයෙන්ම මානසික සෞඛ්ය ගැටලු වැඩිවීම නිසා වැඩ කිරීමට නොහැකි වන පිරිස ඉහළ ගොස් ඇති බවත්, පසුගිය දශකය තුළ ආධාර ලබන සංඛ්යාව මිලියන 2කින් වැඩිවී ඇති බවත් වාර්තාව පෙන්වා දෙනවා.
මානසික රෝග සම්බන්ධයෙන් ලැබෙන ඉල්ලීම් මේ වනවිට ප්රධාන ආදායම් ආධාර පද්ධතිවල 30%කට ආසන්න ප්රමාණයක් වන බවත්, Youth Allowance සහ JobSeeker ආධාර ලබන්නන් අතර එම අගය තවත් ඉහළ බවත් සඳහන්.
වාර්තාව අනතුරු අඟවන්නේ, බොහෝ දෙනා රැකියාව අහිමිවූ පසු මාස 7 සිට 15 දක්වා කාලයක් ආදායමක් නොමැතිව සිටින අතර, ඉතුරුම් භාවිතා කිරීම හෝ දේපළ විකිණීමට පවා සිදුවන බවයි.
එමෙන්ම, මානසික සෞඛ්ය ගැටලු සඳහා කලින් මැදිහත්වී සහය ලබා දීමෙන් නැවත රැකියාවට යාමේ අවස්ථා වැඩි වන බවත් එම වාර්තාවේ දැක්වෙනවා.
