ඔස්ට්රේලියාවේ පරණ Solar Panels නිසා ඇතිවන අපද්රව්ය ප්රශ්නයට විසඳුමක් ලෙස රටපුරා ප්රතිචක්රීකරණ වැඩසටහනක් ආරම්භ කිරීමට යෝජනා වී තිබෙනවා.
ඕස්ට්රේලියානු තාක්ෂණික විද්යා හා ඉංජිනේරු ඇකඩමිය යෝජනා කරන්නේ අලුත් Solar Panel එකක් සවි කරන අවස්ථාවේදී panel එකකට ඩොලර් 10ත් 20ත් අතර ගාස්තුවක් අය කරන ලෙසයි.
දැනට ඔස්ට්රේලියාවෙන් වසරකට Solar Panel අපද්රව්ය ටොන් 60,000ක් පමණ නිපදවෙන බව සඳහන් වෙනවා.
2030 වනවිට එම ප්රමාණය වසරකට ටොන් 90,000ක් පමණ දක්වා ඉහළ යා හැකි බවයි රජය ඇස්තමේන්තු කර ඇත්තේ.
දැනට භාවිතයෙන් ඉවත් කරන Solar Panels වලින් නැවත ප්රතිචක්රීකරණය කරන්නේ සියයට 17ක් පමණක් බව ඵලදායිතා කොමිසමේ දත්ත පෙන්වනවා.
කෙසේ වෙතත් ප්රාදේශීය සහ දුරස්ථ ප්රදේශවලින් panels රැගෙන යාමේ සහ ප්රතිචක්රීකරණය කිරීමේ වියදම් වැඩි නිසා $10–$20 ගාස්තුව ප්රමාණවත් නොවිය හැකි බවටත් විශේෂඥයන් අනතුරු අඟවනවා.
ෆෙඩරල් රජය මේ වසරේ ආරම්භ කිරීමට සැලසුම් කළ ජාතික සූර්ය පැනල ප්රතිචක්රීකරණ නියමු වැඩසටහනද ප්රසම්පාදන අවසන් නොවීම නිසා තවම ආරම්භ වී නැහැ.
