Abbotsford ප්රදේශයේ ඩොලර් මිලියන 2කට ආසන්න හානියක් සිදුකළ ගින්නක් සම්බන්ධයෙන් 16 හැවිරිදි පිරිමි ළමයෙකුට චෝදනා එල්ල කර තිබෙනවා.
පසුගිය ජූලි 6 වැනිදා අලුයම Victoria Street හි convenience store එකක හටගත් ගින්න සම්බන්ධයෙන් Yarra Crime Investigation Unit නිලධාරීන් විමර්ශන සිදුකර තිබෙනවා.
පොලිසිය පවසන්නේ සොරකම් කළ බවට සැක කෙරෙන Mazda CX5 රථයක් එම ව්යාපාරික ස්ථානයට ධාවනය කර, පසුව එහි ගින්නක් හටගෙන ඇති බවයි.
ගින්න හේතුවෙන් ව්යාපාරික ස්ථාන කිහිපයකට දැඩි හානි සිදුව ඇති අතර, සමස්ත දේපළ හානිය ඩොලර් මිලියන දෙකකට ආසන්න බව පොලිසිය සඳහන් කළා.
එම අවස්ථාවේ අසල ව්යාපාරික ස්ථානයක සිටි කාන්තාවන් දෙදෙනෙකුට ද ආරක්ෂාව සඳහා ගොඩනැගිල්ලෙන් ඉවත් වීමට සිදුව ඇති බවටයි වාර්තා වන්නේ.
මෙම සිද්ධිය සම්බන්ධයෙන් අද Moonee Valley ප්රදේශයේ සිදුකළ සෝදිසි මෙහෙයුමකදී 16 හැවිරිදි පිරිමි ළමයෙකු අත්අඩංගුවට ගෙන තිබෙනවා.
ඔහුට ගිනි තැබීම, ජීවිතයට අනතුරක් විය හැකි ආකාරයෙන් නොසැලකිලිමත් ලෙස හැසිරීම සහ මෝටර් රථයක් සොරකම් කිරීම ඇතුළු චෝදනා එල්ල වී ඇති බවටයි වාර්තා වන්නේ.
