ශ්‍රී ලංකාවේ දේපළ වෙළෙඳාම් සහ නිවාස සංවර්ධන ක්ෂේත්‍රයේ ප්‍රමුඛ නාමයක් වන Home Lands සමූහය, නිවාස ඒකක 5,000කට අධික ප්‍රමාණයක් අලෙවි කරමින් සිය ව්‍යාපාරික ගමනේ තවත් සුවිශේෂී සන්ධිස්ථානයක් සනිටුහන් කර තිබෙනවා.

දශක දෙකකට අධික කාලයක් පුරා දෙස් විදෙස් පාරිභෝගිකයන්ගේ විශ්වාසය දිනාගනිමින් ඉදිරියට පැමිණි Home Lands, සුවිසල් නිවාස සංවර්ධන ව්‍යාපෘති 24ක් යටතේ Resort Apartments සහ Villas ඇතුළු නිවාස ඒකක 5,000කට වැඩි ප්‍රමාණයක් අලෙවි කර ඇති බව සමාගම සඳහන් කරනවා.

මෙම වාර්තාගත අලෙවියට අමතරව, Home Lands විසින් නිවාස ඒකක 3,750කට අධික ප්‍රමාණයක ඉදිකිරීම් අවසන් කර පාරිභෝගිකයන් වෙත භාරදී තිබීම ද සමාගමේ ව්‍යාපෘති කළමනාකරණ ශක්තිය සහ නියමිත කාලයට ඉදිකිරීම් සම්පූර්ණ කිරීම පිළිබඳ විශ්වාසය තවදුරටත් තහවුරු කරන කරුණක් බවට පත්ව තිබෙනවා.

Home Lands පවසන්නේ තවත් නිවාස ඒකක 400ක් මෙම වසර තුළ ඉදිකිරීම් අවසන් කර භාරදීමට සැලසුම් කර ඇති බවයි. ඒ සමඟම, තවත් විශාල නිවාස ව්‍යාපෘති 9ක් යටතේ ඒකක 2,850කට අධික සංඛ්‍යාවක ඉදිකිරීම් මේ වනවිට අඛණ්ඩව සිදු කෙරෙමින් පවතිනවා.

නවීන ඉදිකිරීම් තාක්ෂණය, උසස් තත්ත්ව පාලනය, ශක්තිමත් මූල්‍ය විනය සහ නියමිත කාලසීමාවන් තුළ ව්‍යාපෘති නිම කිරීම Home Lands සමූහය වෙළෙඳපොළ තුළ ගොඩනගාගෙන ඇති විශ්වාසනීයත්වයට ප්‍රධාන පදනම වී තිබෙනවා.

විශේෂයෙන්ම ශ්‍රී ලංකාවට Resort Style Living සංකල්පය හඳුන්වාදුන් පුරෝගාමී දේපළ වෙළෙඳාම් සන්නාමයක් ලෙස Home Lands හඳුනාගැනෙන අතර, නිවසක් පමණක් නොව නවීන ජීවන අත්දැකීමක් පාරිභෝගිකයාට ලබාදීම එහි ව්‍යාපාරික දැක්මේ මූලික අංගයක් ලෙස පවතිනවා.

Home Lands හි ව්‍යාපෘති සැලසුම් කර ඇත්තේ උසස් ජීවන රටාව, නිදහස් පරිසරය, ප්‍රජා පහසුකම් සහ දිගුකාලීන දේපළ වටිනාකම එකම ආයෝජනයක් තුළ පාරිභෝගිකයාට ලබාදීම අරමුණු කරගෙනයි.

විදේශගත ශ්‍රී ලාංකිකයන් ඇතුළු දෙස් විදෙස් ආයෝජකයන් අතර Home Lands නාමය ප්‍රචලිත වී ඇත්තේ, දේපළ ආයෝජනය සඳහා විශ්වාසනීය අවස්ථා, ඉහළ අනාගත ප්‍රතිලාභ සහ වෘත්තීයමය පාරිභෝගික සේවාවක් ලබාදෙන සන්නාමයක් ලෙසයි.

Home Lands සමූහයේ වත්මන් දැක්ම වන්නේ ශ්‍රී ලංකාව කලාපයේ සහ ලෝකයේ ඉදිරි පෙළ දේපළ ආයෝජන කේන්ද්‍රස්ථානයක් බවට පත්කිරීමට දායක වීමයි. එම දැක්ම යටතේ, දේශීය වෙළෙඳපොළට පමණක් සීමා නොවී ඕස්ට්‍රේලියාව, ඩුබායි සහ ලන්ඩන් හි පිහිටි ජාත්‍යන්තර ශාඛා හරහා සිය ගෝලීය සබඳතා සහ පාරිභෝගික ජාලය පුළුල් කිරීමටද Home Lands කටයුතු කර තිබෙනවා.

නිවාස ඒකක 5,000 ඉක්මවූ අලෙවි ජයග්‍රහණය සැමරීම සඳහා විශේෂ උත්සවයක් පසුගියදා Gatz Cinnamon Life at City of Dreams හිදී සංවිධානය කර තිබුණා.

එහිදී Home Lands හි පළමු පාරිභෝගිකයා වන අවන්ති කල්දේරා මහත්මියට සහ 5,000 වැනි පාරිභෝගිකයා වන ඇන්ජලෝ ඩෙස්මන්ඩ් මහතාට සමරු රන් කාසි පිරිනමමින්, සමාගම සහ පාරිභෝගිකයා අතර පවතින දිගුකාලීන විශ්වාසනීය සබඳතාව සංකේතාත්මකව ඇගයීමට ලක් කෙරුණා.

මෙම අවස්ථාව පිළිබඳ අදහස් දැක්වූ Home Lands සමූහයේ සභාපති සහ කළමනාකාර අධ්‍යක්ෂ නලින් හේරත් මහතා සඳහන් කළේ, ඒකක 5,000 ඉක්මවූ අලෙවිය අනාගතවාදී දැක්ම, අඛණ්ඩ කැපවීම, නවෝත්පාදනය, මූල්‍ය විනය සහ නියමිත කාලයට ඉදිකිරීම් සිදුකිරීම මත සමාගම උපයාගත් පාරිභෝගික විශ්වාසයට ලැබුණු ප්‍රබල පිළිගැනීමක් බවයි.

Home Lands සමූහය සමාගම් 14කින් සමන්විත පුළුල් ව්‍යාපාරික ජාලයක් වන අතර, ශ්‍රී ලංකා ඉදිකිරීම් කර්මාන්ත සංවර්ධන අධිකාරිය විසින් පිරිනමන ඉහළම CS2 ශ්‍රේණිගත කිරීම හිමි Heyraa Construction ද එහි ඉදිකිරීම් අංශය ලෙස ක්‍රියාත්මක වෙනවා.

ඒ අනුව ඉඩම් සංවර්ධනය, නිවාස සැලසුම්කරණය, ඉදිකිරීම්, දේපළ කළමනාකරණය සහ ජීවන රටා සංවර්ධනය දක්වා වූ සම්පූර්ණ සේවා පරාසයක් එකම සමූහයක් යටතේ පාරිභෝගිකයන්ට ලබාදීමට Home Lands සමත්ව තිබෙනවා.

Home Lands සමූහය ලෝ ප්‍රකට PropertyGuru Asia Property Awards හිදී වසර තුනක් “Best Developer Sri Lanka” සම්මානය දිනාගෙන ඇති අතර, 2025 වසරේදී Superbrands තත්ත්වයෙන් පිදුම් ලැබූ ශ්‍රී ලංකාවේ එකම දේපළ වෙළෙඳාම් සන්නාමය බවටද පත්වුණා.

නිවාස ඒකක 5,000 ඉක්මවූ අලෙවිය, ඒකක 3,750කට අධික ප්‍රමාණයක් ඉදිකර භාරදීම සහ තවත් ව්‍යාපෘති ගණනාවක් සාර්ථකව ඉදිරියට ගෙනයෑම තුළින් Home Lands සමූහය ශ්‍රී ලංකාවේ දේපළ වෙළෙඳාම් ක්ෂේත්‍රයේ සිය නායකත්වය, ව්‍යාපාරික ශක්තිය සහ පාරිභෝගික විශ්වාසය නැවතත් තහවුරු කර තිබෙනවා.