ඔස්ට්රේලියාවේ සේවකයන් සඳහා ඩොලර් 1,000ක වැඩ සම්බන්ධ වියදම් බදු අඩු කිරීමක් හඳුන්වාදීමට ෆෙඩරල් රජය සැලසුම් කර තිබෙන අතර, එම යෝජනාවට අදාළ තොරතුරු මේ වන විට නිකුත් කර තිබෙනවා.
මෙම නව ක්රමය යටතේ, බදු ගෙවන්නන්ට තමන්ගේ වැඩ සඳහා කරන සාමාන්ය වියදම් වෙනුවෙන් වාර්තා සහ රිසිට් නොමැතිවම ඩොලර් 1000 දක්වා deduction එකක් ලබාගැනීමට හැකියාව ලැබේ.
කෙසේ වෙතත් ඩොලර් 1,000ට වඩා වැඩි වියදම් ඉල්ලා සිටින පුද්ගලයන්ට දැනට පවතින නීති අනුව රිසිට්පත් සහ අදාළ ලේඛන ඉදිරිපත් කළ යුතු වනවා.
ආර්ථික විශේෂඥ Nick Bruining පවසන්නේ, මෙය බදු පද්ධතිය සරල කිරීම සඳහා ගත් වැදගත් පියවරක් බවයි. ඔහුට අනුව, බොහෝ සේවකයන්ට කුඩා වියදම් සඳහා ලේඛන තබාගැනීම අසීරු නිසා මෙම සහනය ප්රයෝජනවත් වනු ඇත.
මෙම $1000 වට්ටම භාවිතා කිරීමට හැකි වන්නේ වැඩ සම්බන්ධ වියදම් සඳහා පමණක් බවත්, පුද්ගලික වියදම් එයට ඇතුළත් නොවන බවත් බදු අංශ පැහැදිලි කරනවා.
නව ක්රමය මගින් බදු ප්රතිලාභ ලබා ගැනීමේ ක්රියාවලිය වේගවත් සහ සරල වන අතර, විශේෂයෙන්ම කාර්යාල සේවකයින්, රියදුරන් සහ field workers සඳහා මෙය වඩාත් ප්රයෝජනවත් වනු ඇති.
ඒ අනුව, මෙම නව ක්රමය බදු ක්රියාවලිය වේගවත් කරන අතරම, වැඩ කරන ජනතාවට පහසුකම් සලසන සරල පියවරක් ලෙසද සැලකෙනවා. නිවැරදිව භාවිතා කිරීමෙන් වැඩි වාසි ලබාගැනීමට හැකි බවයි විශේෂඥයන් වැඩිදුරටත් පෙන්වා දෙන්නේ.
