නවසීලන්තයේ වෙසෙන ශ්රී ලාංකික තරුණයෙකු වන සවීන් ගුණරත්නට බ්රිතාන්යයේ අතිගරු ‘Order of St John’ සංවිධානයේ සාමාජික (Member) රාජකීය ගෞරව පදවිය හිමිව තිබෙනවා.
තෙවන චාල්ස් මහ රජුගේ නිල අනුමැතිය යටතේ 2025 ශාන්ත ජෝන් ගෞරව නාමාවලියට ඇතුළත් කර ඇති මෙම සම්මානය, 2026 ජූලි 4 වැනිදා නවසීලන්තයේ ඕක්ලන්ඩ් නුවරදී ඔහු වෙත නිල වශයෙන් පිරිනමා තිබෙනවා.
1888 වසරේදී ස්ථාපිත කළ ‘Order of St John’ රාජකීය සංවිධානය මඟින් මානව හිතවාදී සේවය සහ ප්රජා සේවය වෙනුවෙන් විශිෂ්ට දායකත්වයක් ලබා දුන් පුද්ගලයන්ට මෙම ගෞරවය පිරිනමනු ලබනවා.
2013 වසරේදී නවසීලන්තයට සංක්රමණය වූ සවීන්, 2014 වසරේදී St John සංවිධානයට කැඩෙට් සාමාජිකයෙකු ලෙස එක්වී නායකත්වය සහ ස්වේච්ඡා සේවය තුළ කැපී පෙනෙන දක්ෂතා දැක්වීම හේතුවෙනුයි ඔහු මෙම ඉහළම ඇගයීමට පාත්ර වී ඇත්තේ.
ඔහු නවසීලන්තයේ Waikato විශ්වවිද්යාලයෙන් ව්යාපාර කළමනාකරණ උපාධියක් ලබා ඇති අතර, මේ වන විට ව්යාපෘති කළමනාකරණය පිළිබඳ පශ්චාත් උපාධි අධ්යයනයකද නිරත වනවා.
එමෙන්ම නවසීලන්තයේ සහ එක්සත් රාජධානියේ ක්රිකට් පුහුණුකරුවෙකු ලෙසද සවීන් කටයුතු කරනවා.
මෙම රාජකීය ගෞරවය හිමිවීම ශ්රී ලාංකිකයෙකුට ලැබුණු සුවිශේෂී ජාත්යන්තර ඇගයීමක් ලෙස සැලකෙන අතර, ලොව පුරා වෙසෙන ශ්රී ලාංකිකයන්ටද එය මහත් අභිමානයක් වනවා.
