ඔස්ට්‍රේලියාවේ Resident Return Visa (RRV) ගාස්තුව ජූලි 1 වැනිදා සිට හදිසියේම තුන් ගුණයකින් ඉහළ දැමීමත් සමඟ, ස්ථිර පදිංචිකරුවන් රැසක් දැඩි අපහසුතාවකට පත්ව සිටිනවා.

මීට පෙර ඩොලර් 490ක් ලෙස පැවති මෙම වීසා ගාස්තුව, මේ වනවිට ඩොලර් 1,475ක් දක්වා ඉහළ දමා ඇති අතර, එය සියයට 201ක වැඩිවීමක් ලෙසයි වාර්තා වන්නේ.

ජපානයේ උපන් Yuko Frost නම් ස්ථිර පදිංචිකාරිය පවසන්නේ, මෙම දැවැන්ත ගාස්තු වැඩිවීම හේතුවෙන් තමන් දැන් ඕස්ට්‍රේලියානු පුරවැසිභාවය ලබාගැනීම ගැන බරපතළ ලෙස සලකා බලන බවයි.

වසර 17කට වැඩි කාලයක් ඕස්ට්‍රේලියාවේ ජීවත් වන ඇය, ජපානයේ සිටින තම පවුල බැලීමට නිරන්තරයෙන් මෙම වීසා බලපත්‍රය භාවිත කළ බවත්, නව ගාස්තුව තමන්ට විශාල මූල්‍ය බරක් වී ඇති බවත් සඳහන් කර තිබෙනවා.

මේ අතර, Resident Return Visa ගාස්තුව “අසාධාරණ සහ අතිශයින් වැඩි” බව පවසමින් එය අත්හිටුවීමට හෝ නැවත සමාලෝචනය කරන ලෙස ඉල්ලා 10,000කට වැඩි පිරිසක් අත්සන් කළ පෙත්සමක්ද ඉදිරිපත් කර තිබෙනවා.

එමෙන්ම, මෙවර ගාස්තු සංශෝධනයෙන් Student Visa, Temporary Graduate Visa, Partner Visa ඇතුළු තවත් වීසා වර්ග රැසක ගාස්තුද සැලකිය යුතු ලෙස ඉහළ දමා ඇති අතර, ව්‍යාපාරික ක්ෂේත්‍රය පෙන්වා දෙන්නේ මෙවැනි හදිසි තීරණ හේතුවෙන් ඕස්ට්‍රේලියාව දක්ෂ ශ්‍රමිකයන් සහ ජාත්‍යන්තර සිසුන්ට අඩු රටක් බවට පත්විය හැකි බවයි.