වික්ටෝරියා රජය, මෙල්බන් නගරයේ ට්රේන් සහ ට්රෑම් ස්ටේෂන් ආසන්න ප්රදේශවල නව නිවාස ඉදිකිරීම පහසු කිරීම සඳහා නව සැලසුම් නීති හඳුන්වා දී තිබෙනවා.
මෙම නව නීති මඟින් inner සහ middle suburbs ප්රදේශවල නිවාස ඉදිකිරීම් සඳහා ඇති සීමා අඩු කරනු ලබන බවයි රජය පවසන්නේ.
Frankston, Sandringham, Metro Tunnel, Belgrave, Lilydale සහ Alamein වැනි දුම්රිය පළවල් ආසන්න ප්රදේශ 23ක් සඳහා නව සැලසුම් ක්රියාත්මක කර තිබෙනවා.
මෙම සැලසුම් අනුව, නීති අනුගමනය කරන ගොඩනැගිලි “deemed to comply” ලෙස සලකා VCAT වැනි අභියාචනා ක්රියාවලියට යාම අඩු කරමින් අනුමත කිරීම වේගවත් කරන බවයි රජය පවසන්නේ.
මෙය හරහා 2051 වන විට එම ප්රදේශවල නිවාස තුන් ලක්ෂයකට වැඩි ප්රමාණයක් ඉදිකිරීමට හැකියාව ලැබෙන බව රජය කියාසිටියා.
එසේම Suburban Rail Loop ව්යාපෘතිය මඟින් Cheltenham, Clayton, Monash, Glen Waverley, Burwood සහ Box Hill වැනි ප්රදේශවල තවත් නිවාස 70,000ක් ලබාදීමට සැලසුම් කර තිබෙනවා.
රජය පවසන්නේ මෙම ව්යාපෘතිය මගින් නගරයේ ගමනාගමන ගැටලු අඩු කරමින්, තරුණ පරම්පරාවට නගරයට ආසන්නවම නිවාස ලබාගැනීමේ අවස්ථා වැඩි කරන බවයි.
