ඔස්ට්රේලියාවේ ජනප්රිය වෙළඳ ජාලයක් වන Kmart, සිය පාරිභෝගිකයින් වෙනුවෙන්ම අලුත්ම පියවරක් තබමින් ප්රථම වරට විශේෂිත ‘K home’ ප්රදර්ශනාගාරයක් හඳුන්වා දීමට සූදානම් වනවා.
මෙතෙක් කලක් online හරහා පමණක් මිලදී ගත හැකි වූ සුවිශේෂී ගෘහ භාණ්ඩ සහ අලංකරණ භාණ්ඩ රැසක් මෙහිදී පාරිභෝගිකයින්ට ලබාගැනීමට අවස්ථාව ලැබෙනු ඇති.
වික්ටෝරියා ප්රාන්තයේ Box Hill ප්රදේශය කේන්ද්ර කරගනිමින් ආරම්භ වන මෙම ‘K home’ මධ්යස්ථානය වර්ග මීටර් 3,100ක දැවැන්ත ඉඩකඩකින් සමන්විතයි.
මෙය සාමාන්ය Kmart වෙළඳසැලකට වඩා වෙනස් මුහුණුවරකින් නිර්මාණය කර ඇති අතර, Home Living සඳහා අවශ්ය නවීන උපාංග මෙහිදී ප්රදර්ශනය කෙරෙනවා.
Kmart සමාගමේ ප්රධාන වාණිජ නිලධාරී Callum Smith පවසන්නේ, පවතින ආර්ථික තත්ත්වය හමුවේ ඉතා අඩු මිලකට තම නිවස අලංකාර කර ගැනීමට කැමති ඔස්ට්රේලියානු වැසියන්ට මෙය කදිම අවස්ථාවක් වනු ඇති බවයි.
මෙම අත්හදා බැලීමේ ව්යාපෘතිය ලබන 18 වනදා මහජනතාව සඳහා විවෘත කිරීමට නියමිතයි.
