ඕස්ට්රේලියාවේ සිසුන්ගෙන් සෑම 5 දෙනෙකුගෙන් එක් අයෙකුම Year 12 අවසන් කිරීමට පෙර පාසල හැර යන බව නවතම අධ්යාපන දත්ත පෙන්වා දෙනවා.
Year 10 සිට Year 12 දක්වා අධ්යාපනය සම්පූර්ණ කරන ප්රතිශතය දැනට 81.5%ක් වන අතර, COVID සමයෙන් පසු එම අගය සැලකිය යුතු ලෙස වෙනස් වී නොමැති බවයි වාර්තා වන්නේ.
පවුල් ගැටලු, මානසික සෞඛ්ය ගැටලු, අධ්යාපනික පීඩනය සහ පාසල සමඟ ඇති සම්බන්ධතාවය දුර්වල වීම සිසුන් පාසල හැර යාමට බලපාන ප්රධාන හේතු ලෙස හඳුනාගෙන තිබෙනවා.
පර්යේෂකයන් පෙන්වා දෙන්නේ සිසුන් පාසලේ රඳවා ගැනීමට ගුණාත්මක ඉගැන්වීම් ක්රම, ආරක්ෂිත සහ විනයගරුක පන්තිකාමර පරිසරයක් මෙන්ම ගුරුවරුන් හා සිසුන් අතර ධනාත්මක සබඳතා අත්යවශ්ය බවයි.
එවැනි පරිසරයක් තුළ සිසුන්ගේ ඉගෙනීමේ උනන්දුව සහ පාසල සමඟ ඇති බැඳීම වැඩිවන බව පර්යේෂණවලින් හෙළි වී තිබෙනවා.
විශේෂඥයන් පවසන්නේ ගුරුවරුන්ගේ සහයෝගය සහ අවබෝධය ලැබෙන සිසුන් පාසලේ රැඳී සිටීමට වැඩි නැඹුරුවක් දක්වන බවයි.
Year 12 සම්පූර්ණ කිරීම වැඩි රැකියා අවස්ථා සහ වඩා හොඳ ජීවන තත්ත්වයක් සඳහා වැදගත් වන බැවින්, සිසුන් පාසලේ රඳවා ගැනීම ජාතික අධ්යාපන අභියෝගයක් ලෙස සැලකෙනවා.
