ඔස්ට්රේලියාවේ ජනගහන වර්ධනයට විදේශීය සංක්රමණය (Net Overseas Migration) දැඩි බලපෑමක් ඇති කරමින් පවතින අතර, වික්ටෝරියාව තවදුරටත් රටේ වේගයෙන් වර්ධනය වන ප්රාන්ත අතර ඉහළ ස්ථානයක පවතින බව නව දත්තවලින් හෙළිවී තිබෙනවා.
නව සංඛ්යාලේඛන අනුව, වික්ටෝරියාවේ ස්වභාවික ජනගහන වර්ධනය (Natural Increase) 32,795ක් ලෙස වාර්තා වී ඇති අතර, විදේශීය සංක්රමණය හරහා තවත් 88,774 දෙනෙකු ප්රාන්තයට එක්වී තිබෙනවා.
එමෙන්ම, අනෙකුත් ප්රාන්තවලින් වික්ටෝරියාවට පැමිණි ජනතාවගේ සංඛ්යාවද ධනාත්මකව 441ක් ලෙස සටහන් වී තිබෙනවා.
මේ අනුව, වික්ටෝරියාවේ ජනගහන වර්ධනයට විදේශීය සංක්රමණය ප්රධාන ශක්තියක් වී ඇති බවයි සංඛ්යා ලේඛන කාර්යංශ දත්තවල දැක්වෙන්නේ.
ඔස්ට්රේලියාවේ වැඩිම විදේශීය සංක්රමණ සංඛ්යාව New South Wales වෙතින් 92,889ක් ලෙස වාර්තා වූ අතර, වික්ටෝරියාව 88,774ක් සමඟ දෙවන ස්ථානයේ පසුවෙනවා.
විශේෂඥයින් අනතුරු අඟවන්නේ, ජනගහනය වේගයෙන් ඉහළ යාමත් සමඟ නිවාස, ප්රවාහන, සෞඛ්ය සහ අධ්යාපන සේවාවන්ට ඇති පීඩනය තවදුරටත් වැඩි විය හැකි බවයි.
